टोमराज मेहता
इनरुवा । इनरुवा नगरपालिकाका नगरप्रमुख राजन मेहता र हरिनगर गाउँपालिकाका अध्यक्ष गफार अन्सारी संविधान दिवसको अवसरमा सुप्रवल जनसेवाश्री २०७८ पदकबाट सम्मानित हुने भएका छन् ।
नेपालको संविधानको धारा २७७ को उपदफा (१) बमोजिम असोज ३ गते संविधान दिवसको अवसरमा नेपाल सरकार, मन्त्रि परिषदको सिफारिसमा इनरुवाका नगरप्रुमख मेहता र हरिनगरका अध्यक्ष अन्सारी राष्ट्रपति विद्यादेवी भण्डारीद्वारा सुप्रबल जनसेवाश्री पदकबाट विभुषित हुन लागेका हुन् ।
स्थानीय तहको निर्वाचनमा जनताले दिएको जिम्मेवारी इमान्दारीताका साथ पुरा गर्ने दुई जनप्रतिनिधिहरुलाई नेपाल सरकारले उच्च मुल्याङ्कन गरेर असोज ३ गते संविधान दिवसको अवसरमा सम्मानित हुनेहरुमा उनीहरुको नाम सार्वजनिक गरेको हो ।
इनरुवा नगरपालिकाका नगरप्रमुख मेहता जनताको लोकप्रिय नेताका रुपमा रहेको र इनरुवाको विकासमा फड्को मारेको हुदाँ वर्तमान सरकारले उच्च मुल्याङ्कन गर्दै सप्रबल जनसेवाश्री पदकद्वारा विभूषित हुनेमा नाम सिफारिस भएको हो ।
इनरुवा नगरप्रमुख मेहताले साढे चारवर्षमा विकासको लहरलाई तिब्रता दिदै गएपछि वर्तमान सरकारले उनको कार्यशैली र व्यक्तिगत क्षमता विकासलाई मध्यनजर गर्दैै राष्ट्रपति विद्यादेवी भण्डारीद्वारा सप्रबल जनसेवाश्री पदकद्वारा बिभूषित गर्ने घोषणा गरेको हो ।
युवाहरुको ढुकढुकी, विकासप्रेमी, जनभावना अनुसार काम गर्ने नेतृत्वदायी भूमिका खेल्ने नगरप्रमुख मेहताले पुर्याएको योगदानको कदर गर्दै नेपाल सरकारले सप्रबल जनसेवाश्री पदकद्वारा बिभुषित गर्ने घोषणा गरेपछि इनरुवाबासी खुशी भएका छन् ।
नगरप्रमुख मेहताले भने,‘ नेपाल सरकारले प्रदान गर्न लागको मानपदवीले इनरुवाबासीको शान र इज्जत बढेको छ । राजतीतिमा धेरै संघर्ष गरेर अगाडी बढेको छु । त्यसैले नगरबासीसँगै नेपाल सरकारले पनि युवा नेताको मुल्याङ्कन गर्दै मलाई पदकद्वारा सम्मानित गर्न लागेकोले धेरै खुशी भएको छु । इनरुवा नगरपालिकाको पहिचानलाई राष्ट्रिय र अन्तरराष्ट्रिय जगतमा चिनाउने कार्यले पनि थप मदत पुगेको छ, उनले भने, ‘मेरो मेहनत र इनरुवाबासी सदभाव,मायाले एउटा थप उपलब्धि भएको छ ।’ इनरुवाबासीसँगै नेपाल सरकारले दिएको थप जिम्मेवारीलाई शिर नझुक्ने गरी सबैको इज्जतलाई कायम गर्ने गरी आत्मसाथ गर्नेछु ।
यसैगरी हरिनगर गाउँपालिकाका अध्यक्ष अन्सारीले पाएको जिम्मेवारी र जनताको चाहनालाई पुरा गर्न योगदान पु¥याएको हुदाँ नेपाल सरकारले सप्रबल जनसेवाश्री पदकद्वारा सम्मानित गर्न लागेको बताए । संविधानको दिवसको अवसरमा आयोजित कार्यक्रमलाई सम्वोधन गर्दै अध्यक्ष अन्सारीले जनताको आशा र भरोसालाई थोरै समयमा पुरा गरेको हुदाँ सुनसरीको दक्षिणवर्ती क्षेत्रबाट आपूmलाई योग्य र दक्ष ठानेर नेपाल सरकारले घोषणा गरेको सप्रबल जनसेवाश्री पदक घोषणा गरेकोले सरकारलाई धन्यवाद ज्ञापन समेत उनले गरे ।
हरिनगर गाउँपालिकाको अध्यक्ष पदको जिम्मेवारी पाएपछि वीपी कोइरालाको सपनालाई सकार पार्नका लागि विकासका गतिविधिहरुलाई अघि बढाएर जनताको चाहनालाई पुरा गर्न सकेको छु, उनले भने, ‘जनताले दिएको आर्शिवादका कारण नेपाल सरकारबाट सप्रबल जनसेवाश्री पदक २०७८ बाट सम्मानित हुन लागेको छु ।’ सरकारले प्रदान गर्ने सप्रबल जनसेवाश्री मानपदवी मेरो जीवनमा पहिलो पटक पाएको छु । पालिकामा पु¥याएको योगदान र राजनीति संघर्ष गर्दै समाजमा देखाएको सहानुभूतिले वर्तमान सरकारले उचित मूल्याङ्कन गरेर सुनसरीको दक्षिणवर्ती क्षेत्रमा मलाई छनौट गरेकोले हरिनगरबासीको लागि गौरवको कुरा भएको बताए ।
हरिनगर गाउँपालिकामा सातौ संविधान दिवसको अवसरमा सप्रबल जनसेवाश्री पदकद्वारा बिभूषित हुने पालिका अध्यक्ष अन्सारीलाई पालिकाका जनप्रतिधि, कर्मचारी, राजनीतिक दलका प्रतिनिधिहरु, समाजसेवी लगायतकाले खदा ओढाएर सम्मान गरेका थिए । कार्यक्रममा पालिकाकी उपाध्यक्ष रिमझिम कुमारी भगत, प्रमुख प्रशासकीय अधिकृत भक्तबहादुर खड्का, कार्यपालिका सदस्य सुशिल कुमार ठाकुर, प्राथमिक स्वास्थ्य केन्द्रका माधवलाल देव, नेपाली कांग्रेसका महासमिति सदस्य परमानन्द मेहता, हरिनगर कांग्रेसका सभापति शिवहरी श्रेष्ठ, समाजसेवी सेराज फलाही, हरिनगर रेडक्रसका सभापति कृष्ण प्रसाद देव लगायतकाले संविधान दिवसको अवसरमा शुभकामना व्यक्त गर्दै अध्यक्ष अन्सारीलाई बधाई तथा शुभकामना दिएका थिए ।
