हरिनगर । सुनसरीको हरिनगर गाउँपालिकालाई तीन लाख बराबरको स्वास्थ्य उपकरण तथा स्वास्थ्य समाग्री हस्तान्तरण गरेको छ ।
कारीतास नेपालको आयोजना, कारीतास जर्मनीको आर्थिक सहयोग र संकल्प सीबीआर नेपालको स्थानीय साझेदारी तथा हरिनगर गाउँपालिकाको समन्वयमा तीन लाख बराबरको स्वास्थ्य उपकरण तथा स्वास्थ्य समाग्री सोमवार हस्तान्तरण गरेको छ ।
हरिनगर प्राथमिक स्वास्थ्य केन्द्र हरिनगरालाई एक कार्यक्रमकाबीच स्वास्थ्य उपकरण र स्वास्थ्य समाग्री हस्तान्तरण गरेका हुन् । हरिनगर गाउँपालिकाका अध्यक्ष गफार अन्सारीलाई कारीतास नेपालका गोविन्दराज कटेलले हस्तान्तरण गरेका हुन् ।
कारीतास नेपालका गोविन्दराज कटेलले कोभिड १९ का कारण सर्वसाधारणहरुको ज्यानको सुरक्षाका लागि समाग्री हस्तान्तरण गरिएको बताए । हरिनगर प्राथमिक स्वास्थ्य केन्द्रलाई मध्यनजर गर्दै सो स्वास्थ्य समाग्री हस्तान्तरण गरेको उनले बताउँदै कोभिड १९ का कारण सर्वसाधारणहरुको जीवन रक्षाका लागि तीन लाख बराबरको समाग्री प्रदान गरिएको कटेलले जानकारी दिए ।
हरिनगर गाउँपालिकाका अध्यक्ष गफार अन्सारीले स्वास्थ्य उपकरण सहित स्वास्थ्य समाग्री बुझदै जनताको स्वास्थ्य सुरक्षाका लागि उपलब्ध गराइएको समाग्रीले केही राहत हुने बताए । अगामी दिनमा सहयोग गर्नका लागि अनुरोध गर्दै सहयोगी संस्थालाई उनले धन्यवाद ज्ञापन गरेका थिए ।
हरिनगर प्राथमिक स्वास्थ्य केन्द्र र स्वास्थ्य चौकी घुस्कीलाई बेड ४ थान,ब्लयांकेट ४ थान, एन नाइटी फाइब मास्क १ सय ५० पीस, सर्जिकल मास्क ७५ प्याकेट, पीपीइ सेट ६३ बिभिन्न सामाग्री सहित, सेनिटाइजर ३६ पीस, सर्जिकल ग्लोब ८ बक्स, एन्टीजेन किड १ सय पीस, प्लस ओक्सिमिटर १५ पीस, प्रोटेवल सक्सेन मेसिन १ पीस, नुभिलेजर मेसिन ४ पीस लगायतको समाग्री हस्तान्तरण गरेका हुन ।
संकल्प सीबीआर नेपालका अध्यक्ष लखनलाल साहको बिशेष पहलमा सो समाग्री उपलब्ध भएको थियो ।
