हरिनगर । सुनसरीको हरिनगर गाउँपालिका वडा नम्बर–४ का वडाध्यक्ष सुदीलाल मेहताले सर्वसाधारणहरुले दिएको निवेदन च्यातेर फ्यालेका छन् ।
हरिनगर–४ का सर्वसाधारणहरुले जितिया पर्वको अवसरमा पुजाआजा गर्न आर्थिक सहयोगका लागि लिखित निवेदन दिएपछि वडाध्यक्ष मेहताले आफनै कार्यकक्षमा च्यातेर फयालेका हुन् । प्रत्येक वर्ष झै यस वर्ष पनि महिलाहरुले मनाउने जितिया पर्वका लागि बाबा जितमहान मन्दिरका लागि आर्थिक सहयोगका लागि निवेदन दिंदा वेवास्ता गर्दै वडाध्यक्ष मेहताले सहयोग दिनुको साटो निवेदन च्यातेर फयालेको बाबा जितमहान मन्दिर व्यवस्थापन समितिका अध्यक्ष परमेश्वर मेहताले बताए ।
वडाध्यक्ष भएको साढे चारवर्षपछि पहिलो पटक वडा कार्यालयसँग सहयोग माग्नका लागि सामुहिक रुपमा गएपनि वडाध्यक्ष मेहताले कुनै चासो नदिई उल्टै बजेट नभएको गुनासो सुनाएपछि आफूहरुले निवेदन फिर्ता माग्दा हरिनगर–४ का वडाध्यक्ष मेहताले तोक लगाएको निवेदन च्यातेर फ्यालेको आरोप मन्दिर समितिका सचिव शशि कुमार मेहताले लगाएका छन् ।
निवेदन च्यातेर प्mयालेपछि सहयोग माग्न गएका सर्वसाधारणहरु आक्रोसित भएका थिए । जनताप्रतिको उतरदायी वडाध्यक्षमा नदेखिएको, वडा कार्यालयले योजना छनौट गर्दा समेत सर्वसाधारणहरुलाई जानकारी नदिने गरेको र आपूmहरु वडा कार्यालयमा पुग्दा बजेट नभएको नौटकी देखाएर निवेदन कार्यकक्षमा नै च्यातेर फ्याल्नु जनप्रतिनिधिको क्षमता र बौद्धिकतामा कमी देखिएको मन्दिर समितिका प्रमोद कुमार मेहता बताउँछन् ।
जितमहान मन्दिर समितिका पदाधिकारीहरु वडा कार्यालयमा १० बजेदेखी वडाध्यक्ष मेहताको पर्खाइमा बसेका थिए । घण्टौंसम्म वडाध्यक्ष मेहतालाई कुरेर बस्दा पनि उनी आएनन् । सेवाग्राहीहरु उनको पखाईमा बसिरहेको थियो । यो समस्या मंगलबार मात्रै घटेको होइन, दिनँहु जसो यस्तै रवैयामा रमाउँछन हरिनगर–४ का वडाध्यक्ष मेहता । वडाध्यक्षका कारण सेवाग्राही सास्ती खेप्दै आएका छन् । यो समस्या मन्दिर समितिको पदाधिकारीहरुको मात्र नभएर हरिनगर–४ का सर्वसाधारणहरुले सेवा लिन आएका सेवाग्राहीहरुको पनि हो ।
हरिनगर–४ का वडाध्यक्ष मेहता समयमा कार्यालय नआउने गरेकाले घण्टौसम्म उनको पर्खाईमा बस्नुपर्ने बाध्यता रहेको सेवाग्राहीहरुले गुनासो रहेको छ । वडाध्यक्ष कार्यालयमा ढिलो आउने गरेका कारणले सेवाग्राहीहरु सास्ती भोग्न बाध्य छन् ।
यता हरिनगर–४ का वडाध्यक्ष सुदीलाल मेहताले मन्दिर समितिको पदाधिकारीहरुले दिएको निवेदनमा आपूmले तोक लगाएको बताए । बैठकमा निवेदन पेश गर्न आपूmले तोक लगाएपछि उनीहरुले तोक लगाएको निवेदन फिर्ता मागेको हुनाले निवेदन च्यातेर फ्यालेको उनले प्रतिक्रिया दिए ।
