इनरुवामा धर्ना कार्यक्रमलाई निरन्तरता दिदै संघर्ष समिति

इनरुवा । इनरुवा अस्पताल सुधार संघर्ष समिति सुनसरीले मंगलवारबाट सुरु गरेको धर्ना कार्यक्रमलाई बुधवार पनि निरन्तरता दिएका छन् । इनरुवा अस्पताल सुधारका लागि पूर्व घोषित कार्यक्रम अनुसार इनरुवाको लोकतान्त्रिक चौकमा बुधवार दुई घण्टा धर्ना दिएका हुन् ।
इनरुवा अस्पताल सुधार संघर्ष समिति सुनसरीले १० महिनादेखी उठाउँदै आएको मागलाई सम्वन्धित निकायले सम्वोधन नगरेपछि बुधवार पनि दुई घण्टा धर्ना दिएका थिए ।
शान्तिपुर्ण आन्दोलन गर्दै आएका संघर्ष समितिले माग पुरा नभए आफूहरु आन्दोलनको स्वरुप परिर्वतन गरेर अगाडी बढ्ने बताए ।
मंगलवार एक घण्टा र बुधवार दुई घण्टा धर्ना दिदै अस्पतालको बेथितिलाई अन्त्य गर्नका लागि धर्ना कार्यक्रमलाई निरन्तरता दिएका हुन् ।
अस्पताल संघर्ष समितिले १० महिना अघिदेखी नै जिल्ला अस्पताल इनरुवालाई सुधार गर्नका लागि २५ बुँदे माग राखेर आन्दोलन कार्यक्रमलाई अघि बढाएका हुन् ।
इनरुवा अस्पताल सुधार संघर्ष समिति सुनसरीका संयोजक दिलिप चन साहुले २५ बुँदे माग सम्वोधन नभएसम्म आपूmहरु शान्तिपुर्ण आन्दोलनका कार्यक्रमहरु मार्फत अगाडी बढ्ने बताए ।
इनरुवा अस्पताल सुधार अभियान निरन्तर प्रयासमा रहेपनि सम्वन्धित निकायले कुनै चासो नलिएकोले आपूmहरु धर्ना कार्यक्रमको आयोजना गरेको उनले बताए । पहिलो दिन एक घण्टा, दोश्रो दिन दुई घण्टा र तेस्रो दिन तीन घण्टा धर्ना दिदै एक हप्तासम्म इनरुवाको लोकतान्त्रिक चौकमा धर्ना दिने समेत उनले बताए ।
इनरुवा अस्पताललाई सुधार्न आवश्यक रहेकोले संघर्ष समितिले धर्ना कार्यक्रमबाट आन्दोलनलाई अघि बढाएको हो ।
यसअघि संघर्ष समितिले माग पुरा गर्नका लागि शान्तिपूर्ण आन्दोलनबाट लोकतान्त्रिक चौकबाट प्रहरीले धरपक्कड गरेर संयोजक साहु सहित चार जनालाई पक्राउ समेत सुनसरी प्रहरीले गरेका थिए ।