नसीम अन्सारी
हरिनगरा । नेपाल सरकारले ७ औं संविधान दिवसको अवसरमा सुनसरीको हरिनगर गाउँपालिकाका अध्यक्ष गफार अन्सारीलाई सुप्रबल जनसेवाश्री पदक विभूषित गर्ने घोषणा गरेपछि हरिनगरका शिक्षकहरुले उनलाई सम्मान गरिएको छ ।
हरिनगर गाउँपालिकाका अध्यक्ष गफार अन्सारीले सातौ संविधान दिवसको अवसरमा राष्ट्रपति विद्यादेवी भण्डारीबाट सुप्रबल जनसेवाश्री पदकबाट सम्मानित हुने भएपछि अध्यक्ष अन्सारीलाई हरिनगरका शिक्षकहरुले सम्मान पत्र सहित खादा ओढाएर सम्मान गरिएको हो । यसअघि अभ्यक्ष अन्सारीलाई हरिनगरका स्वास्थ्यकर्मीहरु सहित विभिन्न संघ संस्थाहरुले सम्मान गर्दै आइरहेको छन् ।
हरिनगर गाउँपालिका भरिका सम्पूर्ण सामुदायिक, निजी, धार्मिक विद्यालयहरुले बिहीबार गाउँपालिकाको सभा हलमा एक भव्य कार्यक्रम आयोजना गरि सामुहिक रुपमा हरिनगर गाउँपालिकाका अध्यक्ष गफार अन्सारीलाई सम्मान गरिएको हो ।
गाउँपालिका अध्यक्ष अन्सारीलाई सम्मान पत्र सहित सम्मानित गरिएको गाउँपालिका अध्यक्ष अन्सारीले विकास क्षेत्रमा सडक, स्वास्थ्य, शिक्षा र कृषिलाई विशेष प्राथमिकता दिई अगाडी बढिरहेकोले सरकारले ७ औं संविधान दिवसको अवसरमा अध्यक्ष अन्सारीलाई सुप्रबल जनसेवाश्री पदकबाट सम्मान गर्ने घोषणा गरेपछि आपूmहरुले सम्मान गरेको बालकृष्ण माविका प्रधानाध्यापक नजामुद्दीन अन्सारीले जानकारी दिए ।
होली लाइफ पब्लिक स्कुलका प्रधानाध्यापक अजाद अन्सारीले यस हरिनगर गाउँपालिकाका अध्यक्ष गफार अन्सारीले सुनसरीको दक्षिण क्षेत्रलाई नेपालभरि विकासको माध्यमबाट चिनाउन सफल भएको बताउदै सम्पूर्ण हरिनगरवासीका साथ र सहयोगले राष्ट्रपति विद्या भण्डारीबाट विभूषित हुने अवसर पाएको बताए ।
त्यसैगरि सम्मान कार्यक्रमलाई सम्बोधन गर्दै हरिनगर गाउँपालिकाका प्रमुख प्रशासकीय अधिकृत भक्त बाहादुर खड्काले सुप्रबल जनसेवाश्री पदकबाट विभूषित हुने अवसर पाएको हुदाँ नेतृत्व गर्न सफल भएको बताए । अध्यक्ष गफार अन्सारीलाई बधाई तथा शुभकामना दिदै यो सम्मानका लागि यस गाउँपालिकाका सम्पूर्ण जनसमुदाय, जनप्रतिनिधि, कर्मचारी, संघ संस्था, राजनीति दल लगायत विभिन्न व्यक्तिहरुको सहयोगले विकास गर्न सफल भएपछि अध्यक्ष अन्सारीले सम्मानित हुने अवसर पाएको खड्काले बताए ।
हरिनगर गाउँपालिकाका अध्यक्ष गफार अन्सारीले कार्यक्रमलाई सम्वोधन गर्दै जनताको आशा र भरोसालाई पुरा गरेको हुदाँ आफ्नो विकास देखेर नेपाल सरकारले घोषणा गरेको सुप्रबल जनसेवाश्री पदकबाट विभूषित गर्न लागेकोमा नेपाल सरकारलाई धन्यवाद दिदै हरिनगरवासी सहित सम्मान गर्ने सम्पूर्ण प्रअ र शिक्षकलाई धन्यवाद समेत व्यक्त गरेका थिए ।
