ताविल अंसारी
सुनसरी । नेपाली काँग्रेसको १४ औं महाधिवेशनमा पहिलो चरणको वडाअधिवेशनको देश भरिको प्राप्त नतिजाले नेपाली काँग्रेसको नेतृत्वपंक्तिमा युवा सहभागिता बढदो रहेको तथ्याँकले देखाएको छ ।
नेपाली काँग्रेसको १३औं महाधिवेशनका बेला करिब साढे चार लाख कृयाशिल रहेकोमा अहिलेको १४ औं महाधिवेशनमा दोब्बर अर्थात लगभग ९लाखको कृयाशिल सदस्यहरु सार्वजनिक हुँदा नयाँ बनेका कृयाशिल सदस्यहरुमा प्रायः युवाहरु समेटिएकाले पनि नेपाली काँग्रेसको नेतृत्वमा युवाहरुको बढदो आकर्षणले पहिलो चरणको वडाअधिवेशनमा युवा पंक्ति अगाडी आएको हो ।
भदौ ९ गते दोस्रो चरणको गाउँ÷नगरको अधिवेशन तोकिएता पनि भदौ ८ गते नै निर्वाचन तालिका समेत प्रकाशित भई सकेको अवस्थामा प्रायः सबै ठाउँमा सर्वसहमतबाट नै नेतृत्व चयनको गृहकार्य भइ रहेको छ । आउँदो तीन तह संघिय, प्रदेश तथा स्थानीय निकायको चुनावलाई मध्यनजर गर्दै निर्वाचन भन्दा पनि सर्वसहमतिबाट नेतृत्व चयन गरि पार्टी संगठनलाई चुस्तदुरुस्त बनाएर चुनाव जित्ने रणनितिका साथ स्थानीय देखि केन्द्रिय नेताहरु सकृय देखिएका छन् ।
चुनावी प्रतिस्पर्धाले नजिक रहेको आसन्न तीन तहको निर्वाचनमा आपसि मनमुटावका कारण खराब परिणाम आउन सक्ने भएकाले भरसक सके सम्म निर्वाचन भन्दा सर्वसहमतिमा नै नेतृत्व चयन तर्फ नेपाली काँग्रेसको चाहना रहेको एक विश्वस्त सुत्रको भनाई रहेको छ ।
सुनसरीको परिपेक्षमा वडाअधिवेशनको नतिजाबाट पनि वडाहरुमा युवाहरुको उल्लेखनीय सहभागिता रहेको पुष्टि गरेको छ । भन्नुको तात्पर्य अहिले नेतृत्वपंक्तिमा रहेका अग्रजहरु जो प्रदेश , केन्द्र तहमा पुगि सकेका छन् दोस्रो पिढी जो नेतृत्वको हकदाबेदार थिए उनीहरुलाई पनि उछिनिएर तेस्रो पिढि खास गरि ४० वर्ष मुनिका युवा पंक्तिको नेतृत्वमा पकड जमाएका छन् ।
पहिला पहिला गाउँ ,क्षेत्र , जिल्ला र महाधिवेशन प्रतिनिधिहरुमा बुढापाकाहरुले नै ठाउँ ओगट्ने गरेको इतिहासलाई अबका दिनमा प्रायः युवाहरुको दाबेदारीले पनि नेपाली काँग्रेसमा युवाहरुको आकर्षण र लगाव बढेर नेपाली काँग्रेस उर्जावान पार्टीको रुपमा बढेको जानकारहरु बताउँछन् । गाउँपालिका, नगर पालिकाहरुमा अहिले सम्म घोषित भएका आँकाक्षी उम्मेदवारहरु युवा पंक्तिका रहेकाले पनि अबको नेपाली काँग्रेसको नेतृत्व आउने दिनमा युवाको काँधमा पर्ने निश्चित देखिएको छ ।
