इनरुवा । असोज ५ गते इनरुवाको लोकतान्त्रिक चौकमा सुरु गरेको धर्ना कार्यक्रमो पाँचौ दिन शनिवार इनरुवाकी उपप्रमुख जमुना गौतम पोखरेलले समर्थन गरेकी छिन् ।
इनरुवा अस्तापल सुधार संघर्ष समितिले पूर्व घोषित कार्यक्रम अनुसार इनरुवाको लोकतान्त्रिक चौकमा असोज ५ गतेबाट सुरु गरेको धर्ना कार्यक्रमलाई निरन्तरता दिदै गएपछि इनरुवाकी उपप्रमुख पोखरेलले समर्थन गरेकी हुन् ।
इनरुवा अस्पताल सुधार संघर्ष समितिले २५ बुँदे मागलाई पुरा गर्न सम्वन्धित निकाय मौन भएपछि एक हप्तासम्म धर्ना कार्यक्रमलाई निरन्तरता दिदै शनिवार तीन घण्टा धर्ना दिएका छन् ।
समितिले धर्ना कार्यक्रमलाई निरन्तरता दिदै सर्वसाधारणहरुले समर्थन गर्दै धर्ना कार्यक्रममा सहभागि हुने संख्या बढ्दै गएको छ । इनरुवा अस्पतालमा रिफर होइन्, उपचार चाहियो भन्ने मूल नाराका साथ २५ बुँदै मागहरुलाई सम्वोधन गर्नुपर्नेमा समितिले जोड दिएका छन् ।
संघर्ष समितिले धर्ना कार्यक्रमलाई जारी राख्दै पाँचौ दिन पनि धर्ना कार्यक्रमलाई सफल पारेका छन् । २५ बुँदे माग पुरा नभएसम्म आन्दोलनलाई जारी राख्ने इनरुवा अस्पताल प्रशासनमा तालावन्दी गर्ने धर्ना कार्यक्रमका वक्ताहरुले चेतावनी समेत दिएका छन् ।
इनरुवा नगरपालिकाकी उपप्रमुख जमुना गौतम पोखरेलले धर्ना कार्यक्रमलाई सहयोग र समर्थन गर्न आपूm पनि सहभागि भएको बताईन् ।
संघर्ष समितिले गर्दै आएको धर्ना कार्यक्रमको मोडालिटी परिर्वतन गरी अगाडी बढ्नुपर्ने उनले बताईन् । इनरुवा अस्पताल सुधारको लागि गरिएको धर्ना कार्यक्रमले सार्थकता पाउनका लागि उपप्रमुखको हैसियतले समर्थन गर्दै माग पुरा गराउन पहल तथा सहयोग गर्नका लागि भूमिका खेल्ने समेत प्रतिवद्धता व्यक्त गरेकी छिन् । संघर्ष समितिले अस्पताल सुधारको लागि गरिएको धर्ना कार्यक्रमलाई समर्थन गरेको र इनरुवा नगरबासीको हितमा भएकोले स्थानीय सरकार, अस्पताल प्रशासन, प्रदेश सरकारसँग सबैले मिलेर पहल गर्नुपर्ने, साधन श्रोतको समीक्षा समस्या समाधान गर्न आ–आफनो ठाउँबाट सहयोग गर्न अपरिहार्य रहेको समेत उनले बताईन् ।
सरकारसँग हातेमालौ गरेर धर्ना कार्यक्रमको मोडालिटी परिवर्तन गरेर माग सम्वोधन गराउन भूमिक समेत खेल्न संघर्ष समितिलाई सुझाव दिएका थिए । धर्ना कार्यक्रमलाई सम्वोधन गर्दै सर्वसाधरणहरुले माग पुरा नभए आन्दोलनको मोडालिटि परिर्वतन गरी दवावमुलक कार्यक्रमको पुनः आयोजना गर्ने तयारीमा रहेको बताएका छन् ।
इनरुवा अस्पताल सुधार संघर्ष समितिका संयोजक दिलीप चन साहुको नेतृत्वमा पाँच दिनदेखी धर्ना कार्यक्रमलाई निरन्तरता दिदै आज पनि तीन घण्टा धर्ना कार्यक्रम दिइने भएको छ ।
