टोमराज मेहता
इनरुवा । नेपाली कांग्रेसको १४ औं महाधिवेशनबाट असोज ९ गते सम्पन्न इनरुवा नगर अधिवेशनबाट नगर सभापति पदमा पुनः राजन मेहता निर्वाचित भएका छन् ।
इनरुवा नगरपालिकाका नगर प्रमुख समेत रहेका मेहताले इनरुवा नगर सभापतिमा तेस्रो पटक नेतृत्व सम्हालेका छन् । नगर सभापति पदमा मेहता दुई पटक सर्वसहमतिमा चयन भएका थिए । तेस्रो पटक सर्वसहमति हुन नसकेपछि लोकतन्त्रको सुन्दर पक्ष निर्वाचनबाट अत्याधिक मतले मेहता बिजयी भएका हुन् ।
इनरुवा नगर सभापति पदमा मेहताले २ सय १९ मत ल्याएर बियजी भएका छन् । उनका प्रतिद्वन्द्वी योगेन्द्र प्रसाद मेहता ७९ र सितोष पोखरेल ६९ मत ल्याएर पराजित भएका छन् ।
नगर सभापति पदमा मेहता निर्वाचित भएपछि सुरसेर दैनिकसँगको कुराकानीमा नेपाली कांग्रेसको संगठनलाई सुदृढीकरण गर्दै बलियो बनाउने काममा लाग्ने बताए । स्थानीय तहको निर्वाचनमा नगरप्रमुख, उपप्रमुख र वडाध्यक्ष पदमा इमान्दार र लगनशिल भएर निर्वाचित गराउन पहल र प्रयास गर्ने उनले बताए ।
आफुलाई फेरी नगरबासीले नगर सभापति पदमा योग्य र संगठनलाई हाक्ने सक्ने क्षमतवान तथा अनुभवीलाई दिएको जिम्मेवारीलाई पुरा गर्ने उनले प्रतिवद्धता व्यक्त गरेका छन् । नगर कार्यसमिति सहित वडा सभापति र क्षेत्र प्रतिनिधिमा १४ औ महाधिवेशनबाट युवाहरुलाई नेतृत्व गर्न ल्याएको बताउँदै राजनीतिमा युवाहरुले चासो लिएर सक्रिय बनाउनका लागि यस महाधिवेशनमा युवाहरुलाई बिशेष पहल गरेर ल्याएको उनले दावी समेत गरे ।
कांग्रेसमा नयाँ रणनीति बनाएर कांग्रेसको हितमा काम गर्ने प्रतिवद्धता व्यक्त गदै नगर सभापति मेहताले कसैको शिर झुक्ने काम नगरी इनरुवा कांग्रेसको गरिमामयलाई उच्च राख्ने समेत उनले बताए ।
नेपाली कांग्रेसको १४ औं महाधिवेशन अन्तरगत नगर अधिवेशनमा वडा सभापति, क्षेत्र प्रतिनिधि लगायत अग्रज व्यक्तिहरु, बुद्धिजिवी, नागरिक समाज, शुभचिन्तकहरुलाई समेत धन्यवाद दिदै अगामी दिनमा सल्लाह सुझावको समेत उनले अपेक्षा गरेका छन् ।
त्यसैगरी नगर उपसभापति पदमा प्रदीप ढकालले २ सय ३२ र बिनिता दाहालले १ सय ८४ मत ल्याएर बिजयी भएका हुन् । त्यसैगरी उपसभापति पदमा बौवालाल मेहताले १ सय ६९ मत ल्याएका थिए ।
