देवानजंज । सुनसरीको देवानगंज गाउँपालिकामा जंगली स्यालको टोकाईबाट आधा दर्जन बढी घाइते भएका छन् । देवानगंजमा सोमवार जंगली स्यालको टोकाईबाट देवानगन्ज गापाको विभिन्न वडाबाट आधा दर्जन बढी घाइते भएका हुन् ।
साविक राजगञ्ज सिनुवारी हाल देवानगञ्ज गाउँपालिका–७ बस्ने रामकिसुन मेहताको घरमा रहेको चौपायालाई जंगली स्यालले टोकेपछि घाईते भएका थिए । सोही वडामा स्यालको टोकाईबाट भिखो मेहता पनि गम्भीर घाइते भएका छन । देवानगञ्जमा केही दिन यतादेखि स्यालको आतंकले किसानहरूमा त्रास बढेको छ ।
किसानहरू आफ्नो खेतमा काम गर्न जादा जगंली स्यालले आक्रमण गरि देवानगञ्ज गाउँपालिकाको साविकको गाविसहरु मध्यहर्षाही, देवानगञ्ज र कप्तानगञ्जमा जंगली स्यालको आतंकबाट सर्वसाधारणहरु त्रसित बन्दै गएका छन् । यसैगरी बर्जु गाउँपालिकाको साविकका गाविसहरु चिमडी, अमाहीबेलहा लगायतका स्थानमा समेत जंगली स्यालको आतंकले खेतमा काम गर्न निकै डर हुन थालेको देवानगंज–७ का किसान राजिन्द्र मेहताले जानकारी दिए ।
देवानगञ्ज भरीमा आधा दर्जन बढी स्यालको आक्रमणबाट घाईते भएको किसुनदेब मेहताले जानकारी दिएका छन । घाइतेहरुको उपचार बिराटनगरको कोशी अस्पताल भईरहेको देवानगंज प्रहरीले जनाएको छ ।
देवानगञ्ज –१ बस्ने ५५ वर्षिया मजिया देवी मेहता आफ्नै पसलमा बसिरहदा अचानक जङ्ली स्यालले आक्रमण गरेर टोकेपछि उनी घाइते भएकी थिईन् । सो महिलाको उपचार बिराटनगरको कोशी अस्पतालमा भईरहेको सोही ठाउँका अरूण मेहताले जानकारी दिएको छ । सोही ठाउँमा बस्ने कारी मेहता , कालिचरण मेहता पनि जंगल स्यालेको टोकाईबाट घाइते भएका हुन् । यस अघि सुनसरीको हरिनगर–१ मा चारजनालाई रातीको समयमा जंगली स्यालले टोकेपछि धरानको विपी स्वास्थ्य विज्ञान प्रतिष्ठानमा उपचार गराएर एक हप्तापछि घर फर्किएका थिए ।
यसैगरी देवानगन्ज ३ का नुनुलाल मेहता, शिव कुमार खत्वे, देवानगन्ज २ का दुखीलाल खत्वे, निराशा गुप्ता र रामवती देवी ऋषिदेव घाइते भएका छन् । उनीहरुलाई प्राथमिक स्वास्थ्य चौकी देवानगन्जमा उपचार गराइएको र इनरुवा अस्पतालमा आज रेविज भ्याक्सीनका लागि ल्याइने जनाइएको छ ।
