जुगेश दाश
देवानगंज । सुनसरीको देवानगंज–६ मा जितमहान मन्दिरको उद्घाटन भएको छ । देवानगंज–६ मा नवनिर्मित मन्दिरको जितया पर्वको अवसरमा उद्घाटन भएको हो ।
देवानगंज गाउँपालिकाको सहकार्य, ६ नम्बर वडा कार्यालय देवानगंजको सहयोग र स्थानीयहरुको सक्रिय सहभागितामा बाबा जितमहान मन्दिरको निर्माण कार्य सम्पन्न भएर मंगलवार विधिवत उद्घाटन भएको छ । करिब १० लाख लागतमा बाबा जितमहान मन्दिरको निर्माण कार्य सम्पन्न भई उद्घाटन भएको छ ।
जसमा ६ नम्बर वडा कार्यालयले ६ लाख २५ हजार आर्थिक सहयोगमा बाबा जितमहान मन्दिर निर्माण भएको बुझिएको छ । बाँकी रकम स्थानीयबासीहरुको पहल प्रयासबाट आर्थिक सहयोग जुटाएर मन्दिर निर्माणका लागि सहयोग गरेका थिए । देवानगंज गाउँपालिकाका अध्यक्ष लालीप्रसाद मेहताले मन्दिरको उद्घाटन गरेका थिए । उद्घाटन कार्यक्रमका प्रमुख अतिथि समेत रहेका मेहताले वडाको नमुना मन्दिर भएकोले संरक्षण र सम्वद्र्धन गर्न आवश्यक रहेको बताए ।
जितिया पर्वको अवसरमा धुमधामका साथ पुजाआज गर्नुपर्नेमा उनले जोड दिए । मन्दिर निर्माण समितिका अध्यक्ष महानन्द मेहताको अध्यक्षतमा उद्घाटन कार्यक्रम सम्पन्न भएको थियो । कार्यक्रममा देवानगंज गापा उपाध्यक्ष पुनिता देवि यादव, ६ नम्बरका वडाध्यक्ष देवनारायण मेहता, ७ नम्बरका वडाध्यक्ष बद्री प्रसाद यादव, चुडामणि गुरागाई , नासा ईन्भेष्टमेन्ट प्रालिका कार्यकारी अधिकृत अरविन्द मेहता, जग्गा दाता मगंल मेहता लगायतको सहभागिता रहेका थिए ।
