इनरुवा । सन्तावन्न युवा कल्ब इनरुवाको बुधवार पुर्नगठन भएको छ । सन्तावन्न युवा कल्ब इनरुवा सुनसरीको पुर्नगठन भएपछि सत्य नारायण यादवको अध्यक्षता ११ सदस्यीय कार्य समिति सर्वसहमतिबाट चयन भएको छ । सन्तावन्न युवा कल्ब(५७ टोलि) इनरुवा,सुनसरीको उपाध्यक्षमा अजय कुमार देव, सचिवमा विकेश मेहता , सह–सचिवमा मिन्टु खान,कोषाध्यक्षमा विवेक साह सर्वसहमितबात चयन भएका हुन् । त्यसैगरी सदस्यहरुमा जिवन मेहता ,रामु साह, राज खान, पूजा साह , सोनी यादव, ,चन्दा चौधरी चयन भएका हुन् ।
सन्तावन्न युवा कल्ब(५७टोलि)इनरुवा,सुनसरीका अध्यक्ष श्री सीताराम चौधरीको अध्यक्षतामा बसेको बैठकले पुर्नगठन गरी सर्वसहमतिबाट नेतृत्व चयन गरेका छन् । इनरुवामा लामो समयदेखी सामाजिक क्रियाकलापमा सक्रिय सहभागिता जनाउँदै आएको ५७ टोलीले पुर्नगठन पश्चात् अध्यक्षमा यादवलाई नेतृत्वको जिम्मेवारी दिएका हुन् ।
५७ टोलीले इनरुवामा झण्डै तीन महिनासम्म निःशुल्क खाना खुवाएर देशभरी नै चर्चा पाएका थिए । ५७ टोलीले कोरोना भाइरस र लकडाउनको समयमा इनरुवाको बसचौकमा झण्डै तीन महिनासम्म निःशुल्क खाना खुवाएर सबैको लोकप्रिय संस्थाको रुपमा स्थापित गर्न सफल भएको थियो ।
बिराटनगरमा १० रुपैयाँ भरपेट खाना खुवाउने अभियान सुरु भएपछि ५७ टोलीले देशभरमै नमुना कार्य गरी गरीव तथा निमुखा जनताको लागि निःशुल्क खाना खुवाएर सेवा गरेको ५७ टोलीका अध्यक्ष सत्यनारायण यादवले जानकारी दिए ।
यस अघिको कार्यसमितिमा यादव सचिव पदको जिम्मेवारी वहन गर्दै निःशुल्क खाना खुवाउने अभियानको संयोजकको भूमिका निर्वाह गरेका थिए । कार्यसमितिमा जोश जागरका साथ इमान्दारीताका साथ काम गर्न सफल भएपछि उनलाई पुर्नगठनबाट युवाहरुले अध्यक्ष पदमा सर्वसहमतिबाट जिम्मेवारी सुम्पिएका छन् ।
५७ टोलीले इनरुवा नगर क्षेत्रमा सामाजिक क्षेत्रमा योगदान पु¥याउँदै आएका छन् । यस अघि इनरुवामा रक्तदान कार्यक्रम, आँखा शिविर र सरसफाई कार्यक्रम समेत गरिएको ५७ टोलीले जनाएको छ ।
सन्तावन्न युवा कल्ब इनरुवाका अध्यक्ष सत्यनारायण यादवले इनरुवा अस्पताल सुधार संघर्ष समितिले राजनीतिकरण नगरी विशुद्ध अस्पताल सुधारका लागि आवाज उठाए ५७ टोलीले खुलेर सहयोग गर्ने प्रतिवद्धता व्यक्त गरेका छन् । इनरुवा अस्पताल सुधार संघर्ष समितिले उठाएको माग जायज भएको र अस्पतालको नाममा राजनीतिकरण गर्न खोजेको आरोप लागिरहेको बेला आपूmहरुले समर्थन नगरेको उनले बताए ।
इनरुवा अस्पतालको माग पुरा गराउन आपूmहरुको पनि समर्थन रहने बताउँदै सन्तावन्न टोलीका अध्यक्ष यादवले अगामी दिनमा राजनीतिकरण नगरी अगाडी बढेमात्र संघर्ष समितिको आन्दोलनमा सरिक हुने बताए ।
