इनरुवा । नेपाली कांग्रेस इनरुवा नगरकी उपसभापति विनिता दाहालले महिलाहरुको क्षमता अभिवृद्धिसँगै संगठन निर्माण तर्फ केन्द्रीत भएको बताएकी छिन् ।
नेपाली कांग्रेसको १४ औं महाधिवेशन अन्तरगत सम्पन्न नगर अधिवेशनबाट इनरुवा नगर उपसभापति पदमा निर्वाचित भएकी विनिता दाहालले नेपाली कांग्रेसमा महिलाहरुलाई आवद्ध गर्नका लागि र संगठित बनाउनका लागि अभियान सुरु गर्ने बताएकी हुन् ।
नेपाली कांग्रेस इनरुवा नगरमा समावेशी र सहभागिताका लागि आपूmले महिलाहरुको आवाज उठाउने समेत उनले बताईन् । हाम्रो सहयात्रा मंच सुनसरकी अध्यक्ष समेत रहेकी दाहालले इनरुवा नगर उपसभापति पदमा खुल्ला प्रतिस्पर्धाबाट निर्वाचित भएकी हुन् । नेतृत्वपंक्तीमा पुरुषहरु मात्रै हुने सोचलाई चिर्दै इनरुवा नगर उपसभापति भएकी हुन् ।
नेपाली कांग्रेस इनरुवा नगरका सभापति राजन मेहतासँग समन्वय र सहकार्य गरेर अगाडी बढ्ने बताउँदै कार्यसमितिका पदाधिकारीहरुसँग छलफल र बहसबाट महिलाहरुको सहभागिताका लागि आवाज उठाउने उनले बताईन् । नेपाली कांग्रेस नगर महिला विभाग प्रमुख रहेर काम गरेकी दाहालले महिलाहरुलाई सक्षम बनाउनका लागि तत्पर रहेको बताउँदै दाहालले महिलाहरुको नेतृत्व विकास गराउनका लागि अहम भुमिका रहने समेत उनले बताईन् ।
खुल्ला प्रतिस्पर्धाबाट निर्वाचित भएकी दाहालले नगरमा नमुना कार्य गर्नका लागि सदैव तयार रहेको समेत उनले बताएकी छिन् । इनरुवा नगरका इच्छा आंकक्षालाई सहमति र सहकार्यमा पुरा गर्दै पार्टीको संगठनलाई बलियो बनाउनका लागि प्रमुख जिम्मेवारी आएको उनले बताईन् । नगरका वडा सभापति र क्षेत्र प्रतिनिधिहरुले अत्याधिक मतले बिजयी बनाएकोले सबैलाई धन्यवाद समेत दिएकी छिन् । अगामी निर्वाचनमा महिलाहरुले नेतृत्वपंक्ती ल्याउन आफ्नो पहलकदमी भूमिका रहने समेत उनले बताईन् । नेपाली कांग्रेसका अहोरात्र खटने, मेहनत गर्ने, जुझारु महिलाहरुलाई छनौट गरी अगामी निर्वाचनमा नेतृत्वमा ल्याउनका बिशेष भुमिका खेल्ने समेत सुरसेर दैनिकको कुराकानीमा उनले बताईन् ।
