भुटाहा । सुनसरीको हरिनगर गाउँपालिका भित्र रहेका अशक्त अपाङ्गता भएका व्यक्तिहरुलाई सहयोगी सामग्री वितरण गरिएको छ ।
स्वास्थ्य चौकी भुटाहाका सभा हलमा आइतबार एक कार्यक्रमका बीच २४ जना अपाङ्गता भएका व्यक्तिहरुलाई सहयोगी समाग्री बितरण गरिएको हो । हरिनगर गाउँपालिकाको आयोजना तथा साझेदारी १ नं. प्रदेश सरकार समाजिक विकास मन्त्रालय र करुणा फाउन्डेसन नेपालको सहयोगमा हरिनगर वडा नम्बर १ र २ भुटाहाका २४ जना अपांङ्गता भएका व्यक्तिहरुलाई सहयोग समाग्री बितरण गरिएको हरिनगर स्वास्थ्य शाखा कार्यालयका प्रमुख प्रकाश थापा मगरले बताएको हो ।
हरिनगर वडा नम्बर १ र २ भुटाहाका अपाङ्ग व्यक्तिहरुलाई व्हिल चियर, ९ जनालाई, कमबोट ७ जनालाई, कान सुने ४ जनालाई ,लौरो २ जनालाई र वैशाखी २ जनालाई वितरण गरेको हो । कार्यक्रमका अध्यक्षता हरिनगर गाउँपालिकाका अध्यक्ष गफार अन्सारीको अध्यक्षतामा कार्यक्रम सम्पन्न भएको थियो ।
सो कार्यक्रमका प्रमुख अथिति गाउँपालिकाका प्रमुख प्रशासकीय अधिकृत भक्तबहादुर खड्का , अथितिहरु हरिनगर–१ का वडा अध्यक्ष अब्दुल लतिफ अन्सारी, महिला वडा सदस्य रामवत्ति दास ,वडा सचिव समसाद हुसेन , हरिनगरका स्वास्थ्य शाखा प्रमुख प्रकाश थापा मगर , स्वास्थ्य चौकी भुटाहाका प्रमुख विमल मेहता, स्थानीय समाजसेवी , वृद्धिजिवि लगायतको उपस्थित रहेको थियो ।
