लुकमान अन्सारी (बी)
हरिनगर । सुनसरीको हरिनगर गाउँपालिका– १ स्थित रामनगर भुटाहाको बालकृष्ण माध्यमिक विद्यालयमा विदाई तथा सम्मान कार्यक्रम सम्पन्न भएको छ । विद्यालयले सोमबार एक कार्यक्रमका बीच सेवा निवृत शिक्षक र प्रधानाध्याकलाई विदाई गरेको छ । हरिनगर गा.पा.–१, सुनसरी निवासी विद्यालयका पूर्व प्रधानाध्यावक नरेशप्रसाद गुप्तालाई सम्मान पत्र सहित विदाई गरिएको हो ।
यस विद्यालयमा वि.स.२०४१/०५/०१ देखि २०७७/०६/१३ सम्म प्रधानाध्यापक पदमा रही विद्यालयको शैक्षिक, भौतिक सुधारमा पुर्याउनु भएको योगदानको उच्च कदर गर्दै विद्यालयले प्रशंसा – पत्र प्रदान गर्दै विदाई गरिएको वर्तमान प्रधानाध्यापक नजाम अंसारीले बताए ।
त्यसैगरी सेवा निवृत शिक्षकहरु सनौउल्लाह अन्सारी, राम नारायण यादव, प्रभावर साह, हरिशंकर मेहता, नसिर अन्सारी, देवनन्दन साह, प्रमोद प्रसाद गुप्ता, जगदेव प्रसाद मेहतालाई सम्मान पत्र सहित दोसल्ला ओढाएर विदाई गरिएको थियो । उनीहरुलाई एक साथ सम्मान तथा विदाई गरिएको विद्यालयले जनाएको छ ।
यसैगरी विदाई समारोह,सम्मान तथा पुरस्कार वितरण कार्यक्रममा सञ्चालन भएको नाटक र नृत्य कार्यको लेखन तथा निदेशकको जिम्मेवारी निभाएका बालकृष्ण माविका शिक्षक लिलानाथ सिलवाललाई समेत सम्मान गरिएको थियो ।
