इनरुवा । मधेशा युवा टिम इनरुवा–६ मधेशा सुनसरीले अगामी असोज २३ गते शनिवार शुभकामना आदान प्रदान र चियापान कार्यक्रमको आयोजना गरिने भएको छ ।
विजया दशमी, शुभ दीपावली तथा छठ पर्वको अवसरमा असोज २३ गते शनिवारका दिन मधेशाको कवर्ड हल इनरुवा–६ मा शुभकामना आदान प्रदान तथा चियापान कार्यक्रम गरिने भएको हो ।
मधेशा युवा टिम इनरुवा–६ का अध्यक्ष उत्तम कार्कीले हिन्दुहरुको महान चाडपर्वको अवसरमा शुभकामना आदान प्रदान सँगै चियापान कार्यक्रमको आयोजना गरिएकोले उपस्थितीको लागि अनुरोध गरेका छन् ।
हिन्दु धर्मावलम्वीहरुको महान चाडपर्व दशैंको अवसरमा एक आपसमा खुशयाली सटासाट गर्ने र एक आपसमा सदभाव हुने भएकाले उपस्थितीका लागि सबैलाई उनले अनुरोध गरेका छन् ।
मधेशा युवा टिमले गरीव तथा विपन्न परिवारलाई राहत उपलब्ध गराएसँगै समाजमा जनचेतनामुलक कार्यक्रमहरु मार्फत समाजलाई जर्गेना गर्ने काममा सक्रिय भूमिका निर्वाह गरेको छ । दशैंको अवसरमा शुभकामना कार्यक्रम मार्फत भेटघाट हुने, एक आपसमा सम्वन्ध कायम हुने भएकाले यस कार्यक्रमले सकारात्मक सन्देश प्रवाह गर्नका लागि आयोजना गरिएको मधेशा युवा टिमका अध्यक्ष उत्तम कार्कीले जनाएको छ ।
