इनरुवा । सुनसरीको सप्तकोशि नदीमा हामफालेर एक पुरूष बेपत्ता बनेका छन् । सुनसरीको कोशी गाउँपालिका–८ स्थित रहेको सप्तकोशी नदीको पुलको १३ नम्बर ढोकाबाट उत्तर साईडबाट शनिवार बिहान साढे ११ बजेतिर हाम्फालेर वेपता भएको सुनसरी प्रहरीले जनाएको छ ।
सप्तकोशी नदीमा हामफालेको खबर पाउने साथ कोशी व्यारेजमा खटिएको प्रहरीको टोली खोजतलास गर्ने क्रम जारी गरिएको थियो ।
कोशी व्यारेज प्रहरी चौकीबाट प्रहरी सहायक निरीक्षकको कमाण्डमा तीन जनाको टोली परिचालन गरि सो वेपता भएका व्यक्तिको खोजतलास गरिएपनि उनको शव फेला पर्न नसकेको बुझिएको छ ।
वेपता भएका व्यक्ति ओखलढुङ्गा वर्नाले–२ घर भइ हाल इटहरी १ मा बस्दै आएका ५५ वर्षीय तिलक प्रसाद दहाल रहेको बताइएको छ । को ३६ प ९२५५ नम्बरको मोटरसाइकल डिलमा राखेर कोशिमा हाम फालेका थिए ।
सुनसरी प्रहरीका अनुसार उनको चप्पल र पर्स मोटसाइकल सँगै छ । समाचार तयार पारुञ्जलेसम्म उनको खोजी कार्य भइरहेको थियो ।
