इनरुवा । इनरुवा नगरपालिकाका नगर प्रमुख राजन मेहताले जातीयताको राजनीति नगर्न सबैलाई आग्रह गरेका छन् । उद्योग वाणिज्य संघ इनरुवाको १९ औं वार्षिक साधारण सभाको कार्यक्रमलाई सम्वोधन गर्दै इनरुवामा जातियताको नारा नलगाउन सबैलाई आग्रह गरेका हुन् ।
उद्योगा वाणिज्य संघ इनरुवाको १९ औं वार्षिक साधारण सभा कार्यक्रमका प्रमुख अतिथि समेत रहेका नगर प्रमुख मेहताले समाज उछृखल फैलाउने जातियताको कुरा गर्ने व्यक्तिबाट सचेत हुन आवश्यक रहेको बताए । राजनीतिक दलको आडमा जातियताको कुरा गर्ने व्यक्तिले प्रोत्साहन नगर्न सबैलाई आग्रह गर्दै नगर प्रमुख मेहताले जातियताको कुरा गर्ने व्यक्तिहरु सलबलाउन थालेकोले सुनसरी प्रशासनले निगरानी गर्नुपर्ने समेत उनले बताए ।
जातियताको बिषयमा इनरुवा नगरबासी सचेत हुन आवश्यक रहेको उनले बताए । मिश्रित समाजमा मात्र विकास गर्न सम्भव रहेको उनको कथन छ । इनरुवाका व्यापारीहरु मेरुदण्ड भएकाले विकासको काममा हातेमालो गरेर अगाडी बढनुपर्ने उनले बताए । उवासंघलाई सहयोग गर्न तयार रहेको समेत उनले बताए ।
फरक प्रसंगमा केही दिन अघि भएको अविरल वर्षाका कारण किसानहरुलाई बढी मार्का परेको बताए । बाढीले सुनसरीको इनरुवाका सबै वडामा बाढी आएकोले घर–घरमा पानी पसेकोले सर्वसाधारणहरुको घरका चुल्हो समते नबलेको बताए ।
बाढीले इनरुवा वडा नम्बर–७,९,१० का किसानहरुले लगाएको बालीमा क्षति पुगेकोले सरकारले क्षतिपुर्ती उपलब्ध गराउनुपर्नेमा जोड दिएका थिए । सरकारले किसानहरुलाई क्षतिपुर्ती उपलब्ध नगराए आपूmपनि किसानको पक्षका अन्सन्न बस्न तयार रहेको उनले बताए ।
सरकारले निरीक्षण गरेर किसानहरुको खेतबारीमा क्षति भएको बालनालीको उचित मुल्याङ्कन गरेर क्षतिपुर्ती उपलब्ध गराउन सबैले पहल गर्नुपर्ने बताए ।
त्यसैगरी सुनसरीका प्रमुख जिल्ला अधिकारी इन्द्रदेव यादवले आफुले जिम्मेवारी सम्हालेको एक हप्ता भन्दा बढी भएकोले सुनसरीको बस्तुस्थिती बुझदै गएको बताए । अविरल वर्षाका कारण सुनसरीमा क्षति भएको विवरण संकलन गर्ने कार्य जारी रहेकोले आआफनो ठाउँमा विवरण भर्न समेत उनले अनुरोध गरेका थिए ।
उद्योग, व्यापार समेत कोरोनाका कारण चपेटामा परेको बेला आएको बाढीले समेत क्षति भएकोले आफु दुखी भएको बताए । उद्योग वाणिज्य संघ इनरुवाको १९ औं वार्षिक साधारण सभाको पुर्ण सफलताको शुभकामना उनले व्यक्त गरेका थिए ।
त्यसैगरी इनरुवा नगरपालिकाकी उपप्रमुख जमुना गौतम पोखरेलले आफनो क्षमताले भ्याएसम्म व्यापारीहरुलाई सहयोग गर्दै आएको बताईन् । व्यापारीबाट राजस्व संकलन हुने भएको हुदाँ अगामी दिनमा पनि सहयोग गर्ने प्रतिवद्धता व्यक्त गरिन् ।
त्यसैगरी उवासंघका पुर्व अध्यक्ष पंचदेव मेहताले इनरुवामा कृषि थोक बजार बनाउने प्रयास धारासायी बन्दै गएको बताए । प्रदेश–१ को ठुलो कृषि थोक बजार इनरुवामा बन्न लाग्दा पनि कसैले चासो नलिएको कारणले धारासायी बनेको तर्क उनले गरे । नेपाल सरकारले पनि कृषि थोक बजारका लागि भवन बनाउनका लागि सम्झौता गरेपनि प्रक्रिया अगाडी नबढेको उनले बताए ।
उवासंघ इनरुवाका अध्यक्ष बीरेन्द्र साहले व्यापारीहरुले इनरुवा नगरपालिकामा कर तिर्दै आएकोले उवासंघलाई कुनै पनि रकम नदिएको गुनासो गरेका छन् । नेपालभरीमा नै उवासंघ इनरुवालाई नगरपालिकाले कर तिरेको वापत रकम नदिएकोले आगामी दिनमा इनरुवा नगरपालिकाले व्यापारीहरुले तिरेको कर वापत साढे १३ प्रतिशत रमक उवासंघ इनरुवालाई उपलब्ध गराउन नगर प्रमुख राजन मेहतालाई उनले अनुरोध समेत गरेका थिए ।
उद्योग वाणिज्य संघ इनरुवाको १९ औं वार्षिक साधारण सभामा इनरुवाबाट संघ र प्रदेशमा प्रतिनिधित्व गर्ने व्यक्तिहरुलाई खदा ओढाएर सम्मान समेत गरिएको थियो । कार्यक्रममा उवासघं इनरुवाका उपाध्यक्ष गिरीराज अटल र सचिव रोशन कुमार खड्काले वार्षिक प्रतिवेदन प्रस्तुत गरेका थिए ।
