इनरुवा । सुनसरीको इनरुवा नगरपालिकाका मेयर राजन मेहताले सुनसरी बहुमुखी क्याम्पस इनरुवामा शैक्षिक अवस्था सुधार गर्नका लागि पहल गर्ने बताएका छन् । सुनसरी बहुमुखी क्याम्पस इनरुवामा मंगलवार इनरुवामा मेयर मेहताले निरीक्षण गर्दै त्यसो बताएका हुन् ।
इनरुवा नगरपालिकाभित्र रहेको सुनसरी बहुमुखी क्याम्पसलाई शैक्षिक सुधारसँगै व्यवस्थापन पक्षमा समेत आफुले पहल गर्ने मेयर मेहताले निरीक्षण गर्ने क्रममा सो कुरा बताएका हुन् । मेयर मेहताले यस क्षेत्रको ठुलो क्याम्पस रहेकोले सुधार खाँचो रहेको हुदाँ चाडो भन्दा चाडो अत्यावश्यक कुरालाई मध्यनजर गर्दै विद्यार्थीहरुको गुणस्तरीय शिक्षा प्रदान गर्नका लागि समेत पहल गर्ने बताए ।
सुनसरी बहुमुखी क्याम्पस इनरुवा नगरपालिकाको मुटु भएकोले शैक्षिक सुधारसँगै आवश्यक कुरालाई मध्यनजर गर्दै विद्यार्थीहरुको सुविधाका लागि काम गर्ने उनले बताउँदै क्याम्पसलाई नमुना बनाउनका लागि समेत आफुले पहल सुरु गरेको बताए ।
इनरुवाका मेयर मेहताले सुनसरी बहुमुखी क्याम्पसमा निरीक्षण तथा अवलोकन गर्दै साइकल पार्किङ, खानेपानीको ब्यवस्थापन, क्याम्पस सरसफाइ र पुस्तकालयको ब्यवस्थापन, क्याम्पसमा आधुनिक भवन, क्याम्पस सुधारका कार्यक्रमहरु ल्याउनका लागि पहलकदमी भूमिका निर्वाह गर्ने प्रतिवद्धता व्यक्त गरेका छन् ।
मेयर मेहताले क्याम्पस निरीक्षण गरेपश्चात् विद्यार्थीहरुलाई साइकल वा मोटरसाइकल पार्किङ्ग गर्न समस्या देखिएकोले तुरुन्तै व्यवस्था मिलाउने बताए । शुद्ध खानेपानीको समेत व्यवस्था नभएकोले विद्यार्थीको समस्यालाई गम्भिर रुपमा लिएको समेत उनले बताए । विद्यार्थीहरु वर्तमानका कर्णधार भएकाले उनीहरुको समस्या समाधान गर्न आफु ततपर रहेको बताए । आफुपनि विद्यार्थी जीवनबाट नै राजनीतिकमा आएकोले विद्यार्थीहरुको समस्या थाहा भएकोले क्याम्पसमा देखिएको अधारभुत आवश्यकतालाई परिपुर्ती गर्ने समेत उनले बताए ।
क्याम्पस सुधारको सवालमा आफु सकारात्मक रहेको उनको भनाई छ । सुनसरी सदरमुकाम इनरुवा स्थित रहेको सुनसरी बहुमुखी क्याम्पस गहनाको रुपमा रहेकोले संरक्षण र सम्वद्र्धन गर्न आवश्यक रहेको उनले बताए । विद्यार्थीहरुको भविष्यलाई उज्जवल बनाउनका लागि र राजनीतिकमा विद्यार्थीको भविष्य रहेकोले नयाँ युवा पुस्ता पनि राजनीतिकमा आउन समेत उनले आग्रह गरेका थिए ।
क्याम्पस ब्यवस्थापन समितिका अध्यक्ष रामप्रसाद घिमिरे,सदस्य हरिलाल मेहता,महिचन साह,मिरा पोख्रेल,भुपु क्याम्पस प्रमुख प्रकाश नेपाली,वर्तमान क्याम्पस प्रमुख इनु भट्टराई,नेविसंघका सभापति सेराज हुसेन,विद्यार्थी नेता रोहित साह,नरेश मेहता,प्रविन मण्डल लगायतकाले संयुक्त रुपमा क्याम्पस निरीक्षण तथा अवलोकन गरेका थिए ।
