बराहक्षेत्र । नेपाली कांग्रेस सुनसरी क्षेत्र नम्बर–४ का क्षेत्रीय सभापति ऐयुव अन्सारीले कांग्रेसको १४ औं महाधिवेशनले स्थानीय तहको निर्वाचनमा सहयोग मिल्ने बताएका छन् ।
सुनसरीको बराहक्षेत्रमा एक दिवसीय प्रशिक्षण तथा प्रभावकारी नेतृत्व विकास तालिम समापन कार्यक्रमका प्रमुख अतिथि समेत रहेका क्षेत्रिय सभापति अंसारीले कांग्रेसको अधिवेशनले आगामी स्थानीय तहको निर्वाचनमा कांग्रेसले परिणाममुखी नतिजा ल्याउने बताएका हुन् ।
नेपाली कांग्रेसको १४ औं महाधिवेशन मंसिरको अन्तिम साता सम्पन्न हुने भएकोले जनतामा उत्साह थप्दै गएकोले पार्टीप्रति वफादार भएर संगठन निर्माणका लागि नेता तथा कार्यकर्ताहरु निरन्तर लागि परेको बताए ।
नेपाली कांग्रेसको अधिवेशनले स्थानीय तहको निर्वाचनमा असर पर्ने हल्ला गलत रहेकोले नेपाली कांग्रेसको जीत हासिल हुनेमा विश्वस्त रहन सबैलाई उनले अनुरोध गरे । कांग्रेसको अधिवेशनको बेला गाउँ टोलमा जनतामा देखिएका उत्साहले स्थानीय तहको निर्वाचनमा मदत पुग्ने उनले ठोकुवा गरे ।
नेपाली कांग्रेस बराहक्षेत्र नगर समितिको कार्यक्रम अन्तर्गत वडा नं १ देखि ११ वटा वडा समितिका सभापति , उप– सभापति , सचिव , सह– सचिव र कोषाध्यक्षलाई प्रशिक्षण दिईएको नगर सभापति रमेश कार्कीले बताए ।
वडा अधिबेशनबाट निर्वाचित नव– निर्वाचित पदाधिकारीहरुलाई वडामा संगठनको काम प्रभाबकारी र जवाफदेखि बनाउन नगर समितिले प्रशिक्षणको कार्यक्रम गरेको सभापति कार्कीले बताए ।
प्रशिक्षार्थीहरुलाई नेपाली कांग्रेसका केन्द्रीय नीति अनुसन्धान तथा प्रशिक्षण प्रतिष्ठान बिभागका सदस्य बिरेन्द्र साहले सहजिकरण गरेका थिए ।बुधबार उद्घाटन र सम्मान समारोह गरि एकै दिन सम्पन्न कार्यक्रममा प्रशिक्षार्थीहरुलाई प्रमाण पत्र समेत प्रदान गरिएको थियो ।
सहभागीहरुलाई प्रमाण पत्र प्रमुख अतिथि नेपाली कांग्रेस क्षेत्र नं ४ सभापति एवयु अन्सारी , बिशिष्ट अतिथि महासमिति सदस्य रेवति रमण दुलाल अतिथिहरु जिल्ला सदस्य शंकर बस्नेत , कालुराम चौधरी , मुना अधिकारी , सुरेन्द्र गुप्ता , क्षेत्र नं १ सचिव रमेश काफ्ले , तरुण बिभाग प्रदेश नं १ सदस्य रोशन खड्का , महिला संघ क्षेत्रिय सभापति कल्पना कार्की लगाएले हस्तान्तरण गरेका थिए । नगर सभापति रमेश कार्कीको सभाध्यक्षतामा सम्पन्न समापन समारोह नगर सचिब प्रतिक राईले संञ्चालन गरेका थिए ।
