हरिनगर । सुनसरीको हरिनगर गाउँपालिकाका प्रमुख प्रशासकीय अधिकृत भक्त बहादुर खड्काको सरुवा भएपछि विदाई गरिएको छ ।
हरिनगर गाउँपालिकाको आयोजनामा प्रमुख प्रशासकीय अधिकृत खड्का सहित पाँचजना कर्मचारीहरुलाई सम्मान सहित विदाई गरिएको हो ।
विदाई कार्यक्रममा हरिनगर गाउँपालिकाका कार्यपालिका सदस्य सुशिल कुमार ठाकुरले स्वागत मन्तब्य व्यक्त गरेका थिए । हरिनगर गाउँपालिका वडा नम्बर–७ का वडा सचिव रोशन कुमार साह, स्वास्थ्यकर्मी गंगा मेहताको समेत सरुवा भएपछि उनीहरुलाई विदाई गरिएको हो । त्यसैगरी सेवा निवृत कर्मचारीहरु हरिनगर–६ का वडा सचिव शमिम अन्सारी र पशु शाखाका कास रामफल मेहतालाई विदाई कार्यक्रममा सम्मान गरिएको थियो ।
हरिनगरका प्रमुख प्रशासकीय अधिकृत खड्काको सरुवा स्वास्थ्य मन्त्रालयमा भएको हो । त्यसैगरी हरिनगर–७ का वडा सचिव साहको जिल्ला प्रशासन कार्यालय सुनसरीमा सरुवा भएसँगै स्वास्थ्यकर्मी मेहताको इनरुवा नगरपालिकामा सरुवा भएको हो ।
हरिनगरका प्रमुख प्रशासकीय अधिकृत खड्का, वडा सचिवहरु साह र अन्सारी, स्वास्थ्यकर्मी मेहता र कास मेहतालाई सम्मान सहित विदाई गरिएको हो ।
हरिनगर गाउँपालिकाका अध्यक्ष गफार अन्सारी, उपाध्यक्ष रिमझिम कुमारी भगत, प्रशासन अधिकृत सुजन ढुङ्गेल, आर्थिक प्रशासनका रन्जित कुमार मेहता, कार्यपालिका सदस्य सुशिल कुमार ठाकुर, शिक्षा शाखाका गुणराज ढकाल र अजित कुमार मल्लिक, स्वास्थ्य शाखाका प्रकाश थापा मगर, कृषि शाखाका लक्ष्मी मेहता, पशु शाखाका मनोज यादव, प्राथमिक स्वास्थ्य केन्द्रका माधवलाल देव, नेपाली कांग्रेस हरिनगरका पुर्व सभापति शिवहरि श्रेष्ठ, जसपा हरिनगरका अध्यक्ष धर्मवीर मेहता लगायतकाले विदाई कार्यक्रममा सम्मान गरेका थिए । हरिनगर गाउँपालिकाका अध्यक्ष अन्सारीले उनीहरुलाई सम्मान पत्र र दोसल्ला ओढाएर सम्मान गरेका थिए ।
