इनरुवा । जिल्ला प्रशासन कार्यालय सुनसरीले अनुगम तथा निरीक्षण गरेको छ । बिहिवार सुनसरीका प्रमुख जिल्ला अधिकारी इन्द्रदेव यादवको नेतृत्वमा सुनसरीको दक्षिणवर्ती क्षेत्रमा अनुगमन तथा निरीक्षण गरेको हो ।
राष्ट्रिय गौरवको आयोजना हुलाकी सडकको केशलिया खोला देखि लौकही पुलचौक सम्मको लम्वाई २४ किमि मध्ये २२ किमिको अस्फल्टको काम गर्न वाँकी र २ किमिमा वेसका कामहरु गर्न बाँकी रहेको निरीक्षण टोलीले अवलोकन गरेका थिए ।
त्यसैगरी इनरुवा–कप्तानगञ्ज सडकको २० किमि लम्वाईमा भएको बाढीको क्षतिलाई तत्काल मर्मत सुधार गरी आवागमन सहजिकरण गर्न सुनसरीका प्रजिअ यादवले अनुरोध गरेका थिए ।
हुलाकी सडकमा पर्ने निर्माणाधिन मोरिया खोला पूलको समेत सो टोलीले निरिक्षण गरेको थियो ।
हुलाकी राजमार्ग अन्र्तगत इनरुवा–कप्तानगंज सडकको २० किलोमिटर निर्माणधिन हुने अवस्थामा रहेकोले सो टोलीले निरीक्षण गर्दै केही दिनमा सो सडकको काम सुरु हुने भएकोले स्थलगत निरीक्षण गरिएको थियो ।
केही दिन आएको अविरल वर्षाका कारण सुनसरी इनरुवा सहित १२ वटा स्थानीय तहहरुमा सर्वसाधारणहरु बाढीबाट प्रभावित भएपछि सुनसरीका प्रजिअ यादव नेतृत्वको टोलीले सुनसरीको दक्षिणवर्ती क्षेत्रमा स्थलगत निरीक्षण गरेका थिए ।
सुनसरीको दक्षिणवर्ती क्षेत्रको सीमावर्ती क्षेत्र कप्तानगंजको दशगजा क्षेत्रमा समेत सो टोलीले निरीक्षण गरिएको थियो । सुनसरीका प्रमुख जिल्ला अधिकारी यादव सुनसरीको जिम्मेवारी सम्हालेको केही हप्तापछि सुनसरीको दक्षिणवर्ती क्षेत्रमा पहिलो पटक निरीक्षण गरिएको थियो ।
सुनसरीको दक्षिणवर्ती क्षेत्रको वस्तुस्थिती बुझनका लागि सुनसरीका प्रमुख जिल्ला अधिकारी यादव सहितको टोलीले बाढी डुवान क्षेत्र, किसानहरुको अवस्था बुझन र सीमाका समस्याका बारेमा निरीक्षण गरिएको हो ।
त्यसैगरी सो टोलीले हरिनगर–७ घुस्की र देवानगंज जोडने बाटोको समेत निरीक्षण तथा अनुगमन सो टोलीले जनाएको छ ।
संघीय सांसद सीताराम मेहता, नेपाली कांग्रेस सुनसरीका सभापति एवं प्रदेश–१ का संसदीय दलका नेता राजीव कोइराला, इनरुवा नगरपालिकाका प्रमुख राजन मेहता, सुनसरीका प्रमुख जिल्ला अधिकारी इन्द्रदेव यादव, हरिनगरका अध्यक्ष गफार अन्सारी, देवानगंजका अध्यक्ष लालीप्रसाद मेहता, नेपाली कांग्रेस सुनसरीका उपसभापति संजय श्रेष्ठ लगायतको टोलीले सो क्षेत्रमा निरीक्षण गरिएको थियो ।
