इनरुवा । इनरुवा नगरपालिकाका नगरप्रमुख राजन मेहताले कुशवाहा जातिको संगठनलाई बलियो बनाउन आवश्यक रहेको बताएका छन् ।
इनरुवा नगरपालिका–९ बवियाको शहिद श्याम सुन्दर अधारभुत विद्यालयमा नेपाल कुशवाहा कल्याण समाज इनरुवा नगर कार्यसमितिको आयोजना शुभकामना आदान प्रदान एवं चियापान कार्यक्रमका प्रमुख अतिथि समेत रहेका नगर प्रमुख मेहताले कुशवाहा जातिको संगठन बलियो बनाउन आ–आफनो ठाउँबाट बलियो बनाउन आवश्यक रहेको बताए ।
नेपाल कुशवाहा कल्याण समाज इनरुवाले जातिय उत्थानका लागि संघर्ष गर्दै जानुपर्ने नगर प्रमुख मेहताको भनाई छ । जातिय संगठनलाई बलियो नबनाए कुशवाहा जाति कमजोर हुने भएकोले एक आपसमा सदभाव कायम गर्दै अगाडी बढ्नुपर्ने बताए ।
कुशवाहा समाजले बिभिन्न समयमा गतिविधिलाई अगाडी बढाउन र कुशवाहाहरुलाई एकवद्ध गरी आ–आफनो छोराछोरीहरुलाई शिक्षा प्रदान गर्न उनले जोड दिएका थिए । कुशवाहा जातिले कुनै पनि जातलाई अपहेलना गरी सम्मान गर्नुपर्ने मेयर मेहताले बताउँदै संगठित भएर कसैलाई पनि भेदभाव नगरी अगाडी बढन् कुशवाहा समाजलाई उनले अनुरोध गरेका छन् ।
मेहता, कोइरी र कुशवाहा जातिले संगठन निर्माणसँगै मजबुत हुन आवश्यक रहेको उनले बताए । कुशवाहा समाजले सबैसँग मेलमिलापको भावनाले सकारात्मक कामहरु गर्नुपर्ने उनको तर्क छ । मनमुटाव गरेर कुशवाहा समाजलाई अगाडी बढाउन नसक्ने उनले बताउँदै कुशवाहा समाज पनि इनरुवा नगरपालिकाको अंग भएकोले भेदभाव नगरी सम्मान गर्दै आएको बताए ।
नेपाल कुशवाहा कल्याण समाज इनरुवा नगर कार्यसमितिलाई नगर प्रमुख मेहताले पाँच महिनाको तलव वापतको रकम कुशवाहा समाजलाई सहयोग गर्ने प्रतिवद्धता व्यक्त गरेका छन् । पाँचलाख रकमको कोष खडा गर्न उनले अनुरोध गर्दै कुशवाहा समाजको विकास गर्नलाई सहज हुने बताए । संगठन निर्माण र विस्तारका तथा जातिय उत्थानका लागि आफुले सहयोग गर्ने समेत उनको कथन छ ।
कुशवाहा समाजमा एकजुट हुनुपर्ने जोड दिदै उनले आफैमा फुटको राजनीतिक नगर्न समाजलाई अनुरोध गरेका थिए ।
त्यसैगरी संघीय सांसद सीताराम मेहताले कुशवाहा समाजले सहमति,सहकार्य र एकताबाट अघि बढनुपर्ने बताए । सुनसरीको इनरुवा लगायतका क्षेत्रमा कुशवाहा जातिको संगठन बलियो बनाउन अनुरोध गर्दै आपसी मतभेद नगर्न उनले अपिल समेत गरे । नेपाल कुशवाहा कल्याण समाज क्रान्तिबाट जन्मेको जातिय संगठनले मुलुकभरी एक ढिक्का भएर अगाडी बढेको उनले बताए ।
कुशवाहा समाज जातिय संगठन भएकोले कुशवाहा समाजका व्यक्तिहरुले आफनो अधिकारका प्राप्तिका लागि एकजुट हुनुपर्ने उनले बताए । यसैगरी नेपाल कुशवाहा कल्याण समाज इनरुवाका अध्यक्ष देवप्रसाद मेहताको अध्यक्षतामा सम्पन्न भएको थियो । कार्यक्रममा समाजका जिल्ला अध्यक्ष श्रीलाल मेहता, पुर्व जिल्ला अध्यक्ष रामप्रसाद मेहता, नगरका सल्लाहकार सत्यनारायण मेहता, पुर्व केन्द्रीय अध्यक्ष कृपाराम महतो, वरिष्ठ अधिवक्त अर्जुन मेहता, पुर्व नगर अध्यक्ष सुकदेव महतो, शहीद पीत शिवनारायण मेहता, गायक प्रकाश अनुराग, जिल्ला सहसचिव धर्मवीर आर्य, विद्यार्थी जिल्ला अध्यक्ष अर्जुन मेहता लगायतको उपस्थिती रहेको थियो । सोही कार्यक्रममा एक दर्जन बढी कुशवाहा समाजका अगुवाईहरुलाई सम्मान पत्र प्रदान गरेर सम्मान गरिएको थियो ।
