टोमराज मेहता
बराहक्षेत्र । संचार तथा सूचना प्रविधि मन्त्री ज्ञानेन्द्रबहादुर कार्कीले बराहक्षेत्र नगरपालिकाका कोशी बाढीपीडित र सुकुम्वारी समस्या सदाका लागि समाधान गर्ने बताएका छन् ।
सुनसरीको बराहक्षेत्र नगरपालिकामा कोशी पीडित र सुकुम्वासी तथा अव्यवस्थित बसोवास व्यवस्थापन सम्वन्धी कार्यक्रमलाई सम्वोधन गर्दै मन्त्री कार्कीले कोशी बाढी पीडित र सुकुम्बासी समस्या सदाका लागि समाधान गर्ने बताएका हुन् ।
कार्यक्रमका प्रमुख अतिथि सञ्चार तथा सूचना प्रविधि मन्त्री एव् सरकारका प्रवक्ता समेत रहेका कार्कीले भूमिहिनको समस्या गम्भिर र जटिल भएकाले उक्त समस्या सदाका लागि समाधान गर्न आफु लागि परेको बताए । उनले यस क्षेत्रको समस्या समाधान गर्नका निमित राष्ट्रिय भुमि आयोगका अध्यक्ष केशव निरौलालाई पनि साथमा लिएर आएकोले केही महिनामा समस्या समाधान हुने विश्वास व्यक्त गरे ।
मन्त्री कार्कीले बाढीपीडित र सुकुम्वासी समस्यालाई वर्तमान सरकारले महत्व र प्राथमिकतामा राखेर समाधान गर्नका लागि कामलाई अघि बढाएको बताए । वर्तमान सरकार नेपाली जनताको जीवन रक्षाको पक्षमा रहेको भन्दै मन्त्री कार्कीले जनताको आधारभुत आवश्यक्ता पूरा गर्न सरकार लागि परेको उनले बताए ।
उनले भने,‘सरकार सवै नेपालीलाई धनि बनाउन चाहन्छ ।’ जनतामा नवीन आशलाई सिर्जना गरेर देशलाई समृद्धिको बाटोतर्फ अग्रसर गराउन सरकार प्रतिवद्ध रहेको छ ।’ नेपाललाई बिकासको गतिमा अगाडि बढाउन चाहन्छ । यसकालागि बोलेर, दस्तावेजमा राखेर मात्र नहुने भएकाले ब्यवहारमा र कार्यक्रम गरेर देखाउन सरकार लागि परेको उनले बताए ।
बिकास बिनाको राजनीति केवल खोक्रो भाषण मात्र भएकाले आफु राजनीति र बिकाससंगै लान चाहेको उनको भनाई छ ।
ओलि नेतृत्वको एमाले सरकारले सरकारको शक्ति दुरुपयोग गरेको भन्दै सबैको यो सरकारले प्रजातान्त्र,लोकतान्त्र,संविधान, जनताको आत्मासम्मानका लागि काम गर्ने बताए । उनले प्रमुख जिल्ला अधिकारीलाई कोही पनि मान्छे आस्थाका आधारमा अन्यायमा नपार्न निर्देशनसमेत दिएका थिए ।
कार्यक्रममा सुनसरी क्षेत्र नम्बर ४ का सभापति अयुव अन्सारी, प्रदेश ‘क’ का सभापति उपेन्द्र कट्वाल, महासमिति सदस्य रेवतीरमण दुलाल , हरिनगरा गाउँपालिका अध्यक्ष गफारी अन्सारी , कोशि बाढीपीडित संघर्ष समिति वराहक्षेत्रका अध्यक्ष प्रल्लाद थापा , उपध्यक्ष लालबहादुर लिम्बू (जोनी),नेपाली कांग्रेस बराहक्षेत्रका सचिब तथा वडा नं २ अध्यक्ष हरिकृष्ण भट्टराईले सुकुम्बासी र बाढिपीडित समस्या समाधान गर्ने नाममा तत्कालीन एमाले सरकारले कार्यकर्तालाई जागिर खाने माध्यम मात्र बनाएको आरोप लगाएका थिए ।
वाक्लो रुपमा स्थानिय सुकुम्बासी तथा कोशि बाढिपीडितहरु उपस्थिति रहेको कार्यक्रम संञ्चालन नगर सचिब प्रतीक राईले गरेका थिए ।
