संगम विष्ट
इनरुवा । सुनसरीको वराहक्षेत्र नगरपालिकामा रहेका कोशी बाढिपीडित तथा ऐलानी जमिनमा बसोबास गरिरहेका भुमिहिन परिबारहरुलाई जग्गा धनिलाल पुर्जा दिलाउन नेपाली कांग्रेस वराहक्षेत्र नगर कार्य समितिले चासो देखाएको छ ।
२०२२ सालमा कोशि कटानबाट बिस्थापित भएर सुकुम्बासी जीवन बिताई रहेका परिवार र ऐलानी जमिनमा अव्यवस्थित रुपमा वसोबास गरिरहेका परिबारलाई धनि लालपुर्जा दिलाउन नेपाली कांग्रेस नगर समितिले नेपाल सरकारका प्रवक्ता , सञ्चार तथा सुचना प्रबिधि मन्त्री ज्ञानेन्द्रबहादुर कार्की र सुकुम्बासी समस्या समाधान गर्न नेपाल सरकारले गठन गरेको राष्ट्रिय भुमि आयोगका अध्यक्ष केशव निरौलालाई एउटै मञ्चमा राखेर नेपाली कांग्रेसका नेताहरुले आग्रह गरेका छन् ।
सोमवार नेपाली कांग्रेस वराहक्षेत्र नगर समितिले देबिघाट स्थित बसन्तऋतृ माबिको खेलमैदानमा आयोजना भएको उक्त कार्यक्रममा नेपाली कांग्रेस नगर सभापति रमेश कार्कीले नेकपा एमालेले नेतृत्व गरेको स्थानिय सरकारले चारबर्ष सम्म सुकुम्बासी र कोशी पीडितको समस्या समाधान गर्न नसकेको बताए । उनले भने, ‘यहाको स्थानीय सरकारले चारबर्षसम्म केही गरेनन् ।’ अब चुनाब आयो अनि लालपुर्जा बाढ्छु भन्छ ।
गरिब जनताको भावनासंग स्थानीय सरकारले राजनीति गरेको छ । नगरबासिहरु सचेत रहनु होला उनले भने । तीन तहसम्म एमालेको सरकार हुदाँ किन सुकुम्बासी समस्या र बाढि पीडितका लागि काम नगरेको उनले प्रश्न समेत गरे । तत्कालीन भुमि आयोगका अध्यक्ष देबि ज्ञावालीलाई वराहक्षेत्रमा ल्याउन स्थानिय सरकार नसकेको भन्दै सभापति कार्कीले कांग्रेस सरकारले गठन गरेको भुमि आयोगका अध्यक्ष केशब निरौलालाई ल्याएर कांग्रेसले कोशी पीडितलाई मुआब्जा तथा सुकुम्बासीलाई लालपुर्जा दिलाउने कार्यमा लागि परेको बताए ।
कार्यक्रममा बिशिष्ट अतिथि राष्ट्रिय भुमि आयोगका अध्यक्ष केशव निरौलाले ऐलानी जमिनमा १० बर्षदेखि बसोबास गरिरहेका परिवारलाई लालपुर्ज उपलब्ध गर्न लागि परेको बताए । हाल ऐलानि जमिनमा बसोबास गरिरहेका सुकुम्बासी तथा बाढि पीडितलाई कसैले हटाउन नसक्ने अधयक्ष निरौलाले बताए । उनले भने, ‘सरकारले चाहयो भने लालपुर्जा दिन कुनै समस्या छैन् । वनको क्षेत्रमा बसोबास गरेपनि सरकारले धनिपुर्जा दिनु पर्छ ।’ यसकालागि म लागि परेको छु । स्थानीय तहको निर्वाचन अगाडि लालपुर्जा दिन आयोग लागि परेको छ ।
आफुलाई कांग्रेस सरकारको आयोगको जिम्मेवारी दिएको भन्दै प्रधानमन्त्री शेरबहादुर देउवा नेतृत्व सरकारले सुकुम्बासी समस्या समाधान गर्न गम्भीरता पुर्वक लागि परेको उनले बताए । उनले भने, ‘मेरो कार्यकालमा वराहक्षेत्रका सुकुम्बासी र बाढि पीडितलाई न्याय दिलाएरै छाड्छु ।
कुनैबेला बिर्ताको नाममा जग्गा बाँडेको स्मरण गर्दै गरिव, किसान र बाढीपीडितका लागि आफूहरुले काम गर्नेमा प्रतिबद्धता उनले व्यक्त गरे । उनले सबै गरिबको प्रतिनिधिका रुपमा आफूहरुले काम गर्ने भन्दै अब झुक्याएर राजनीति गर्ने भन्दा आफू दुई चार महिनापछि पुनः वराहक्षेत्र फर्किदा केही गर्ने गरी आउने बताए ।
