वराहक्षेत्र। वराहक्षेत्र नगरपालिको सातारुट दल नेपका एमालेका अध्यक्ष गजेन्द्रबहादुर थापाले आफु नगरपालिकाको बिकाशमा सन्तुष्ट नभएको बताएका छन् । मेयर , उप-मेयर सहित ११ वटा वडामा ८ वडा अध्यक्षगरी नगर कार्यपालीमा स्पष्ट बहुमत रहेको एमाले वराहक्षेत्र नगर कमिटिका अध्यक्ष थापाले जनप्रतिनिधिको कामप्रति आफु सन्तृष्टि हुन नसकेको जिकिर गरे ।
मङलबार चक्रघट्टीमा ग्रामिण पत्रकार समुहले आयोजना गरेको शुभकामना आदान प्रदान तथा वराहक्षेत्रमा पत्रकारिताको बिकास र चुनौति बिषयक अन्तकृर्या कार्यक्रममा बोल्दै उनले आफु पञ्चायत कालमा जनपक्षीयबाट तत्कालीन महेन्द्रनगर गाबिसको वडा सदस्य रहदा थौरै रकमा धेरै काम गरेको स्मरण गर्दे नगरपालिका यति धेरै बजेट आउदा पनि बिकाश प्रयाप्त हुन नसकेको बताए । उनले वडामा धेरै बजेट जाता पनि काम गर्न जनप्रतिनिधिले नसकेको आरोप समेत लगाए । थापाले पत्रकारलाई पर्यटन, कृषि , पशुपालन जस्ता बिषयमा खोजमुलक रुपमा कलम चलाउन आग्रह समेत गरे ।
त्यस्तै कार्यक्रममा राष्ट्रिय प्रजातान्त्र पार्टि वराहक्षेत्र नगर समितिका अध्यक्ष अर्जुन भट्टराईले यति सुन्दर वराहक्षेत्र नगरपालिका यहाका जनप्रतिनिधिलाई बादरको हातमा नरिवल जस्तै भएको आरोप लगाए । धार्मिक पर्यटन हिसाबले संसारभर नाम चलेको , सम्भावना युक्त नगरपालिकाको बिकाशमा नगरपालिकाले चासो समेत नदेखाएको आरोप लगाए ।
ग्रामिण पत्रकार समुहका अध्यक्ष हिरण्य कार्कीको अध्यक्षतामा सम्पन कार्यक्रममा सुनसरी एफएमका अध्यक्ष भवानी धिमाल , वराहक्षेत्र नगरपालिकाका प्रेस संयोजक नवराज बिष्ट , समुहका संस्थापक अध्यक्ष बाबुराम कार्की लगाएले शुभकामना मन्तव्य राखेका थिए । पत्रकार महासंघ सुनसरी उपध्यक्ष गणेश निरौलाको प्रमुख आतिथ्यतामा सम्पन्न कार्यक्रममा स्वगत् भाषण समुहका उपध्यक्ष संन्तोष गुप्ताले राखेका थिए । भन्ने कार्यक्रम सञ्चालक समुहका सचिब संगम बिष्टले गरेका थिए ।
