बराहक्षेत्र । नेपाली कांग्रेस बराहक्षेत्र नगर उपसभापति युवराज श्रेष्ठले आफ्नो जन्मदिन मनाउने खर्चले सडक मर्मत गरेका छन् । शनिबार जन्म दिन मनाएका श्रेष्ठले चतरा– धरान सडक खण्ड अन्तर्गत बगुवा भएको खाल्डा खुल्डी सडकलाइ ढलाई गरेर हुन् ।
नेपाल तरुण दल क्षेत्रिय उपसभापती समेत रहेका वराहक्षेत्र नगरपालिका–१ खारखोला घर भएका श्रेष्ठले सडक खाल्डो हुदा दुर्घटनाको जोखिम बढाएको स्थानीयहरुले गुनासो गरेपछि सडक मर्मत गरेको श्रेष्ठले बताए ।
बराहक्षेत्र नगरपालिका र सडक बिभागलाई पटक पटक सडक मर्मत गरिदिन आग्रह गर्दा पनि सुनुवाई नभएको स्थानीयवासि बताउँछन् । स्थानीयवासिहरुको आग्रहमा स्थानीय सरकार र सरोकारवालाको काम युवराज श्रेष्ठले गरिदिएको स्थानिय दिनेश कार्कीले बताए ।
स्थानीय सरकारले स्थानीयहरुको गुनासो र आवश्यकतालाई चाँडो रुपमा पूरा गर्नुपर्ने प्रतिकात्मक सन्देशको रुपमा ३ जना मजदुर , ४ बोरा सिमेन्ट, आदा ट्याक्टर गिटि र बलुवा खरिद गरेर सडकको जोखिमपूर्णतालाई हटाउन खोजेको युवराज श्रेष्ठले बताए ।
आइतवार गरेको उक्त सडक मर्मत कार्यमा नेपाली कांग्रेस क्षेत्र नं ४ प्रदेश सभा ‘क’ सभापति उपेन्द्रबहादुर कट्वाल, नेपाली कांग्रेस वराहक्षेत्र सभापति रमेश कार्की , राई संघ सुनसरी सभापति सन्त राई , वराहक्षेत्र–१ सभापति ईशवर थापा, रामधुनि–६ सभापति आशिष श्रेष्ठ लगाएतको उपस्थिति रहेको थियो ।
