बिनोद मेहता
देवानगंज । सुनसरीको देवानगन्जमा सरकारी सेवामा प्रवेश गर्न चाहनेका लागि ‘लोकसेवा पुस्तकालय’ बुधवारदेखी संचालन हुने भएको छ । देवानगन्ज गाउँपालिका घर भइ भोजपुरको रामप्रसादराई गाउँपालिकाका प्रमुख प्रशासकीय अधिकृत बाबुनन्दन मेहताको सहयोगमा लोक सेवा पुस्तकालय आजदेखी संचालनमा आउने भएको हो ।
देवानगन्ज–३ स्थित कृष्ण माध्यमिक विद्यालयमा लोकसेवा पुस्तकालय स्थापना भएको उक्त पुस्तकालय मंसिर १ गते बुधबारबाट सञ्चालनमा आउने भएको हो ।
कृष्ण माविका पूर्वविद्यार्थीसमेत रहेका मेहताले देवानगन्जका युवाहरूको लोकसेवाप्रतिको आकर्षण बढ्दै गएकोले पालिकाभित्र नै लोकसेवा पुस्तकालय स्थापना गरेका हुन् । उक्त पुस्तकालयको गत कात्तिक १९ गते देवानगन्ज गाउँपालिकाका अध्यक्ष लालीप्रसाद मेहताले उद्घाटन गरेका थिए ।
नासा इन्भेस्टमेन्ट प्रालिको समन्वयमा बनेको पुस्तकालयको संरक्षकमा कृष्ण माविका प्रधानाध्यापक उमेशप्रसाद मेहता र शिक्षक गणेश मेहता रहेका छन् । पुस्तकालयमा लोकसेवाका पुस्तकका साथै शिक्षक सेवा र विभिन्न प्रतिस्पर्धात्मक परीक्षा ९छात्रवृत्तिका लागि इन्ट्रान्स० का पुस्तकहरू पुस्तकालयमा उपलब्ध गराएको नेपाल सरकारका शाखा अधिकृत मेहताले बताएको हो ।
