चन्दन मेहता
देवानगंज । नेपालबाट लुकाई छिपाई भारत तर्फ टयाक्टरमा १ सय ८० केजी गाँजा भारतर्फ लैजाने क्रममा सशस्त्र प्रहरी र जनपथ प्रहरीको संयुक्त टोलीले बरामद गरेको छ । टयाक्टरको ट्रलिलाई मोटिफाई गरि ट्रलिमा १ सय ८० किलो गाजा भारततफै लैजाने क्रममा सशस्त्र प्रहरी र नेपाल प्रहरी चेक पोईन्टमा सवारी साधनहरू चेक जाँच गर्ने क्रममा सो परिमाणको गाँजा बरामद गरेको हो ।
भारत तर्फ जाँदै गरेको टयाक्टरमा मोटिफाई गरेको ट्रली भारत पराल लिनका लागि गइरहेको अवस्थामा चेक पोइन्टमा प्रहरीसँग अनुमति लिनका लागि एक मोटरसाइकल चालकले खोज्दा टयाक्टर चालक ट्रली छाडेर फरार भएकोले शंका लागेर चेकजाँच गर्दा १ सय ८० केजी गाँजा बरामद गरेको कप्तानगंज बीओपीका सशस्त्र प्रहरी निरीक्षक रामचरण यादवले बताए ।
मोटरसाइकल चालक सन्तोष कुमार मेहताले परालको बहानामा टयाक्टरको ट्रलीमा सो परिमाणको गाँजा लिएर भारततर्फ गइरहेको शंकामा उनलाई नियन्त्रणमा लिएको प्रहरीले जनाएको छ ।
सुनसरीको सीमानाकाबाट गाँजा भारतर्फ लैजाने गिरोह सक्रिय भएको खबर पाएकाले निगरानी बढाएकोले ठुलो परिमाणको गाँजा बरामद भएको सशस्त्र प्रहरी निरीक्षक यादवको भनाई छ ।
