इनरुवा । अस्पताल विकास समितिका अध्यक्ष गोपाल राजभण्डारीले इनरुवा अस्पताल सुधार्न नसकिए राजिनामा दिने बताएका छन् ।
जिल्ला समन्वय समितिका अध्यक्ष समेत रहेका भण्डारीले इनरुवा अस्पताल सुधार्न नसकिए अध्यक्ष पदबाट राजिनामा दिने बताएका हुन ।
इनरुवा अस्पताल सुधार संघर्ष समितिका संयोजक दिलिप चन साहु नेतृत्वको टिमले जिल्ला समन्वय समितिको अध्यक्ष भण्डारीको कार्यालयमा तालावन्दी गर्न खोज्दा उनले माग पुरा गर्न नसकिए पदबाट राजिनामा दिने बताए ।
अस्पताल विकास समितिका अध्यक्ष भण्डारीले बुधवार बस्ने बैठकमा अस्पताल सुधारको विषयलाई उठाउने र दुई दिन समय दिन उनीहरुसँग माग गर्दै इनरुवा अस्पताल सुधारका लागि केही गर्न नसकिए आफु पदबाट राजिनामा दिने भनिएपछि अस्पताल सुधार संघर्ष समितिले ताला नलगाई फर्किएको थियो ।
अस्पताल विकास समितिका अध्यक्ष भण्डारीले दिएको आश्वासनलाई केही दिन हेर्ने र मागलाई सम्वोधन नभए मंसिर ५ गतेदेखी आन्दोलनका कार्यक्रमहरु सार्वजनिक गर्दै अस्पताल सुधारका लागि फेरी सडकमा आउने संयोजक साहुले बताएका छन् ।
