इनरुवा । सुनसरीको इटहरीमा तीन दिने क्षमता विकास तालिम सुरु भएको छ । सामी परियोजनाको आयोजनामा इटहरीमा बिहिवारबाट क्षमता विकास पुनर्ताजगी तालिम सुरु भएको हो ।
नेपाल सरकार श्रम रोजगार तथा सामाजिक सुरक्षा मन्त्रालय र स्वीस सरकार तथा हेल्भेटासको सहयोगमा इटहरीमा रिटर्नी स्वंयसेवकहरुका लागि तीन दिने क्षमता विकास पुनर्तानगी तालिम बिहिवारबाट सुरु भएको छ ।
सामी परियोजनाले वैदेशिक रोजगारलाई सुरक्षित, मर्यादित र उपलब्धीमुलक बनाउनका लागि रिटर्नी स्वंयसेवकहरुलाई क्षमता विकास तालिम प्रदान गरेर कार्यक्षेत्रमा काम गर्नका लागि सहज हुने उद्देश्यले तालिमको आयोजना गरिएको हो ।
सुरक्षित आप्रवासन परियोजना सामीले वैदेशिक रोजगारको क्षेत्रमा काम गर्दै आएको भएपनि रिटर्नी स्वयंसेवक मार्फत आ–आफना क्षेत्रमा वैदेशिक रोजगारमा जाने चाहने युवा र फर्किएका युवाहरुलाई सूचना, न्याय, सीप लगायतको कुरामा यस परियोजनाले सचेतना कार्यक्रम मार्फत काम गर्दै आएको छ ।
जिल्ला प्रशासन कार्यालय सुनसरी लगायतको ठाउँमा आप्रवासी श्रोत केन्द्रमा वैदेशिक रोजगारका बारेमा जानकारी दिने गरेकोले वैदेशिक रोजगारमा जान चाहने युवाहरुलाई सीप सिकेर जानुपर्ने समेत सो परियोजनाले सचेत गराउँदै आएको छ । सामी परियोजनाका कर्मचारीहरुले वैदेशिक रोजगारका गएका युवाहरुको समस्या र जान चाहने युवाहरुलाई वैदेशिक रोजगारी सम्वन्धी जानकारी लिएर मात्र जानका लागी रिटर्नी स्वंयसेवकहरुले अनुरोध सहित जानकारी गराउँदै आएको रिटर्नी स्वयंसेवकहरु बताउँछन् ।
सामी परियोजनाले वैदेशिक रोजगारमा जान चाहने युवाहरुलाई सिप सिकरे जानका लागि रिटर्नी स्वंयसेवकहरुले अनुरोध गर्दै सीप तालिम निःशुल्क प्रदान गर्दै आएकोले समयमा जिल्ला प्रशासन कार्यालय अन्र्तगत रहेको आप्रवासी श्रोत केन्द्रमा सम्र्पक गर्न पनि सामीका कार्यक्रम संयोजक देवनारायण चौधरीले बताएका छन ।
तलिममा सुनसरीको धरान, इटहरी, इनरुवा, भोक्राहा नरसिंह र उदयपुरका रिटर्नी स्वयसेवकहरुको सहभागिता रहेको छ ।
तीन दिने तालिममा सामी परियोजनाका प्रदेश–१ का संयोजक कोपिला दाहाल, कार्यक्रम अधिकृत देव नारायण चौधरी र राम कुमार कर्णले सहजीकरण गरिरहेका छन् ।
