इनरुवा । वराहक्षेत्र नगरपालिका वडा नं ११ मधुबनका पंकज महतोले नेपाली कांग्रेस सुनसरी जिल्ला कार्य समितिको उप–सभापति पदमा उम्मेदवारी घोषणा गरेका छन् ।
१३ औं महाधिवेशनबाट नेपाली कांग्रेस सुनसरीको कोषाध्यक्ष जिम्मेवारी निर्वाह गरिरहेका महतोले १४ औं महाधिवेशनमा उपसभापति पदमा उम्मेदवारी घोषणा गरेका हुन् ।
नेपाली कांग्रेस १४ औं महाधिवेशन अन्र्तगत सुनसरी कांग्रेसको जिल्ला अधिवेशनमा प्रतिवेदन प्रस्तुत गर्दै पंकज महतोले उपसभापति पदमा उम्मेदवारी घोषणा गरेकोले सबैको साथ र सहयोगको अपेक्षा गर्दै मंसिर ११ गते हुने निर्वाचनमा अत्यधिक मत दिई बिजयी बनाउनका लागि मतदाताहरुलाई अनुरोध गरेका छन् ।
वराहक्षेत्रको मधुवनको ग्रामिण क्षेत्रबाट नेपाली राजनितीमा क्रियासिल हुँदै क्रमश जिल्ला सदस्य हुँदै कोषाध्यक्ष बनेका महतोले आफु उपसभापति पदका एक पटक बिजयी बनाई काम गर्ने अवसर प्रदान गर्नका लागि जिल्ला अधिवेशनमा उनले अनुरोध समेत गरे ।
नेपालको सबैभन्दा पुरानो र गौरवशाली पार्टीको कार्यकर्ता भएर वर्षौ सेवा गर्न पाउनु आफ्नो सौभाग्य भएको उल्लेख गर्दै महतोले भने, सुनसरी जिल्लाको कोषाध्यक्षको रुपमा आफुलाई दिईएको भुमिकाको मुल्यांकन गर्दै आगामी दिनहरुमा समेत आफुलाई मार्गदर्शन हुनेमा विश्वस्त रहेको उल्लेख गरेका छन् ।
