टोमराज मेहता
इनरुवा । नेपाली कांग्रेस सुनसरी जिल्लाको अधिवेशनको उद्घाटन सत्रमा नेपाली कांग्रेस सुनसरी जिल्ला सभापति राजीव कोइरालाले प्रदेश नं. १ को कार्य समितिमा सभापतिको उम्मेदवारी घोषणा गरेका छन् ।
उम्मेदवारी घोषणाको क्रममा कोइरालाले सुनसरी कांग्रेसको नेतृत्वमा आपूmले कसैलाई काखापाखा नगरेको र पार्टी हितका लागि सदैव लागि परेकोले पार्टीको हितका लागि पनि प्रदेश १ को अधिवेशनमा आपूmलाई मतदान गरी विजयी बनाउन मतदाताहरुसँग अनुरोध गरेका थिए ।
त्यसैगरी सुनसरी जिल्लामा हुन गइरहेको जिल्ला अधिवेशनमा जिल्ला कार्य समितिमा उम्मेदवार बन्न चाहने नेताहरुले समेत सो उद्घाटनका अवसरमा आ–आफ्नो उम्मेदवारी घोषण गरेका छन । सोही क्रममा नेपाली कांग्रेस सुनसरीका सभापति पदका उम्मेदवार केदार भण्डारीले समेत जिल्लाको अधिवेशन उद्घाटन कार्यक्रममा उम्मेदवारी घोषणा गरेका छन् ।
पार्टी सभापति राजीव कोइराला नेतृत्वको टिममा दुई कार्यकाल सचिव पदको जिम्मेवारी सम्हालेको हुनाले नेपाली कांग्रेसको १४ औं महाधिवेशनमा आफु जिल्ला सभापति पदको उम्मेदवार रहेको उनले बताए । जिल्ला अधिवेशनमा आफुले सभापति पदमा उम्मेदवारी दर्ता गर्ने छन् ।
त्यसैगरी अर्का सभापति पदका उम्मेदवार संजय श्रेष्ठले पनि उम्मेदवारी दर्ता गर्ने भएका छन् । जिल्ला अधिवेशन उद्घाटन कार्यक्रममा सभापति पदका उम्मेदवार श्रेष्ठ कार्य व्यस्ताका कारण उपस्थिती नभएपनि आज हुने मनोनयन दर्तामा सभापति पदमा उम्मेदवारी दर्ता गर्ने समाचार श्रोतले जनाएको छ ।
पौडेल–कोइराला समुहबाट सभापति पदका उम्मेदवार केदार भण्डारीको प्यानल सहित उम्मेदवारी दर्ता गर्ने तयारी रहेको छ भने देउवा समुहबाट सभापति पदका उम्मेदवार संजय श्रेष्ठको प्यानल सहितको उम्मेदवारी दर्ता हुने बुझिएको छ ।
नेपाली कांग्रेस सुनसरी सभापति राजीव कोइरालाको नेतृत्वको टिमाम संजय श्रेष्ठ उपसभापति पदमा बसेर जिम्मेवारी सम्हालेका व्यक्ति हुन् । उपसभापति पदको जिम्मेवारी सम्हालेपछि श्रेष्ठले नेपाली कांग्रेसको १४ औं महाधिवेशनको जिल्ला अधिवेशनमा आज हुने मनोनयन दर्तामा उनले सभापति पदमा उम्मेदवारी दर्ता गर्ने भएका छन् । सभापति पदमा श्रेष्ठको प्यानल सहित आज पार्टी कार्यालय सुनसरीमा केही बेरमा मनोनयन दर्ता गर्नेछन् ।
सुनसरीमा कोइराला–पौडेल र देउवा समुह बनाएर आआफना प्यानल सहित उम्मेदवारी दर्ता गर्न लागेका हुन् ।
त्यसैगरी हरिनगर गाउँपालिकाका अध्यक्ष गफार अन्सारीले नेपाली कांग्रेस सुनसरीको उपसभापति पदमा उम्मेदवारी घोषणा गरेका छन् । हरिनगरका अध्यक्ष अन्सारीले जिल्ला अधिवेशनको उद्घाटन कार्यक्रमलाई सम्वोधन गर्दै उपसभापति पदका लागि योग्य भएकाले वियजी गराउन मतदाताहरुलाई अनुरोध गरेका छन् । त्यसैगरी उपसभापति पदमा सुनसरी कांग्रेसका युवा नेता प्रमोद पोखरेल, सुनसरी कांग्रेसका कोषाध्यक्ष पंकज महतोले समेत उम्मेदवारी घोषणा गरेका छन् ।
त्यसैगरी नेपाली कांग्रेस सुनसरीका सदस्य तथा इनरुवा उद्योग वाणिज्य संघका अध्यक्ष बिरेन्द्र साहले नेपाली कांग्रेसको १४ औं महाधिवेशन अन्र्तगत हुने जिल्ला अधिवेशनमा सचिव पदका लागि उम्मेदवारी घोषणा गरेका हुन् । सचिव पदका उम्मेदवार साहले आफु बिजयी भएपछि पार्टीको बैठक, कार्यक्रम, संचालन लगायतको गतिविधिहरुमा फरक प्रस्तुती र नयाँपन ल्याउने अठोट लिएको बताए ।
नेपाली कांग्रेसको १२ र १३ औं महाधिवेशनमा सचिव पदमा पराजित भएकाले यसपटक मनले मात्रै होइन् मत दिएर पनि बिजयी बनाउन सबैमा उनले अनुरोध गरेका थिए । जिल्ला अधिवेशनको उद्घाटन कार्यक्रममा नेपाली कांग्रेसका नेता तथा कार्यकर्ताहरुले जिल्लाको बिभिन्न पदका उम्मेदवारी घोषणा गरेका थिए ।
जिल्ला उद्घाटन कार्यक्रमका प्रमुख अतिथि नेपाली कांग्रेसका उपसभापति बिजय कुमार गच्छदार, संघीय सांसद सिताराम मेहता, कांग्रेस सुनसरी सभापति राजिव कोइराला, प्रदेश सांसद ज्योती सुब्बा, सचिव केदार भण्डारी, कोषाध्यक्ष पंकज महतो, हरिनगरका अध्यक्ष गफार अन्सारी, कोशीका अध्यक्ष ऐयुव अन्सारी, देवानगंजका अध्यक्ष लाली प्रसाद मेहता, नेविसंघका महामन्त्री कपिलेश्वर यादव लगायतको सहभागिता रहेको थियो ।
