गनेश कुमार यादव
इनरुवा । सुनसरीको इनरुवा नगरपालिका बजार क्षेत्र भित्रका सडक पेटीमा थुपारिएको मालसामानले सर्वसाधारणहरु सहित सवारी साधनलाई आवतजावत गर्न समस्या भएको छ ।
सडक पेटीमा दैनिक व्यापारीहरुले लुगा,फर्निचर समान लगायतका बिभिन्न मालसामानहरु थुपारेका कारण सर्वसाधारणहरुलाई आवतजावत गर्न समस्या भएको हो ।
इनरुवा बाजार भित्र अधिकांस सडकमा व्यापारीहरुले आ–आफ्नो मालसामान देखी प्रचार बोडहरु सडकको पेटीमा राखेको कारण मानिसहरु बाध्य भएर बिच सडकबाट पैदल यात्रा गर्न बाध्य भएका छन् ।
मानिसहरु सडक पेटी भन्दा बाहिर हिडेको कारण दुर्घटनाको जोखीम समेत बढेको सर्वसाधारहरुले गुनासो गरेका छन् । दिनभरी नगर प्रहरीहरु बजारमा बसेपनि अव्यवस्थित पार्किङ्ग र सडक पेटीमा थुपारिएका मालसामान हटाउन नसकेको मानिसहरुको कथन छ ।
त्यसैगरी इनरुवा बजार क्षेत्र भित्रका सडकहरुमा निर्माण सामाग्री जताजतै थुपारिएर सर्वसाधारणहरु राख्ने गरेको पाइएकोछ । बजार क्षेत्रमा नगर प्रहरीहरुले सिटी सफारीलाई व्यवस्थित गर्नलाई समय खेर गएको पाइएको छ । इनरुवा मुख्य बजार क्षेत्रमा सिटी सफारीको चाप पनि बढ्दै गएकोलाई नगर प्रहरीले व्यवस्थित गरेपनि खासै कुनै प्रभाव परेको छैन् ।
