टोमराज मेहता
इनरुवा । नेपाली कांग्रेस सुनसरीको सभापति पदमा केदार भण्डारी निर्वाचित भएका छन् । नेपाली कांग्रेसको १४ औं महाधिवेशन अन्र्तगत जिल्ला अधिवेशनको निर्वाचनबाट सभापति पदमा भण्डारी निर्वाचित भएका हुन् । सभापति पदमा भण्डारीले १ हजार ४ सय २२ मत ल्याएर निर्वाचित भएका छन भने उनका प्रतिद्वन्द्वी संजय श्रेष्ठले १ हजार ३ सय ९ मत ल्याएर पराजित भएका हुन् ।
त्यसैगरी उपसभापति पदमा नगेश चन्द्र राईले १ हजार ३ सय ३५ र पंकज महतोले १ हजार ३ सय १३ मत ल्याएर निर्वाचित भएका छन् भने उनहरुका प्रतिद्वन्द्वी गफार अन्सारीले १ हजार २ सय ९७ मत र महेश दत १ हजार १ सय ६६ मत ल्याएर पराजित भएका हुन् ।
त्यसैगरी सचिव पदमा बिरेन्द्र साहले १ हजार ४ सय ६७ मत र माधव बहादुर घिसिङ्गले १ हजार २ सय २८ मत ल्याएर निर्वाचित भएका छन् भने उनीहरुका प्रतिद्वन्द्वी रन्जेश भट्टराईले १ हजार २ सय २८ मत र प्रमोद कुमार पोखरेल १ हजार ९२ मत तथा रमेश पालले ९२ मत ल्याएर पराजित भएका हुन् ।
त्यसैगरी सह–सचिव पदमा गणेश सुब्बाले १ हजार ३ सय ५ मत र मनिष कुमार रायले १ हजार १ सय ७७ मत ल्याएर निर्वाचित भएका छन् भने गिरधारी प्रसास साहले १ हजार ४३ मत र सुनिल साहले १ हजार ७० मत, कालुराम चौधरीले ३ सय ४१ मत र रमेश कटुवालले २ सय १९ मत प्राप्त गरी पराजित भएका हुन् ।
त्यसैगरी अपाङ्ग केन्द्रीय महाधिवेशन प्रतिनिधिमा उपेन्द्र मेहताले १ हजार ३ सय ६४ मत ल्याएर निर्वाचित भएका छन् भने उनका प्रतिद्वन्द्वी सविता सुवेदीले १ हजार १ सय ७६ मत ल्याएर पराजित भएकी छिन् ।
त्यसैगरी अपाङ्ग प्रदेश महाधिवेशन प्रतिनिधिमा देवेन्द्र पौडेलले १ हजार १ सय ६३ मत प्राप्त गरेर निर्वाचित भएका छन् भने उनका प्रतिद्वन्द्वीहरु गोपाल राई(कालुराम) ले १ हजार ९० मत, जयनारायणसिंह दनुवारले ६७ मत र डा. विसमबर यादवले २ सय ६४ मत प्राप्त गरी पराजित भएको निर्वाचन अधिकृत उत्तम पौडेलले जानकारी दिएका छन् ।
आइतवार सम्पन्न भएको जिल्ला अधिवेशनको निर्वाचनमा २ हजार ७ सय ७४ मत खसेको थियो । नेपाली कांग्रेस सुनसरीको मुख्य पदहरुको मतगणना सकिएको छ भने बाँकी सदस्यहरुको केही समयमा मतगणना सुरु हुने निर्वाचन अधिकृत पौडेलले जानकारी दिएको छ । नेपाली कांग्रेस पार्टी कार्यालय इनरुवा सुनसरीमा मतगणना पुनः केही समयमा सुरु हुनेछ ।
