वराहक्षेत्र । बराहक्षेत्र–२ स्थित प्राथमिक स्वास्थ्य केन्द्र चतरा सुनसरीलाई ग्रामिण स्वावलम्वन विकाश केन्द्र काठमाडौले कोरोना भाइरस कोभिड १९ नियन्त्रणमा प्रयोग हुने स्वास्थ्य समाग्रीहरु उपलब्ध गराएको छ ।
स्वास्थ्य केन्द्रका व्यवस्थापन डाक्टर अनिल गिरिका अनुसार एक थान माईसक्रोपकप, ३ थान पेसेन्ट मनिटर, एक थान सेनीटरी प्याड भेन्डीङ मेसीन प्राथमिक स्वास्थ्य केन्द्र चतराका व्यावस्थापन समिति अध्यक्ष समेत रहेका वडा नं २ का अध्यक्ष हरिकृष्ण भट्टराईलाई ग्रामिण स्वावलम्वन विकाश केन्द्रका कार्यकारी निर्देशक शिव प्रसाद वत्सयाल,भण्डार तथा प्रशासन प्रमुख हर्क सुनवार र सुनसरी फिल्ड म्यानेजर श्री दिपेन्द्र गौतमले संयुक्तरुपमा हस्तान्तरण गरेका थिए ।
सोमवार भएको हस्तान्तरण कार्यक्रममा प्राथामिक स्वास्थ्य केन्द्र चतराका प्रमुख डा. अन्जु थापाले स्वागत मन्तब्य व्यक्त गरेकी थिइन् । सल्लाहकार समिति सदस्य अमर कटवाल , ग्रामिण विकाश केन्द्रका कार्यकारी निर्देशक शिव वत्सयालले धारणा राखेका थिए ।
कार्यक्रममा प्राथमिक स्वास्थ्य केन्द्र चतराको विकाश तथा स्तरोउन्नतीमा सहयोगी दातृ संस्थाको महत्वपूर्ण भूमिका रहको विषयमा जानकारी गराउदै आगामी दिनमा समेत साथ सहयोग एवं सहकार्यको अपेक्षा सहित सहयोगि संस्थालाई प्रथामिक स्वास्थ्य केन्द्रका व्यवस्थापन समिति अध्यक्ष हरिकृष्ण भट्टराईले धन्यवाद व्यक्त गरेका थिए ।
अध्यक्ष भट्टराईको अध्यक्षताको सम्पन्न कार्यक्रमको संचालन प्रथामिक स्वास्थ्य केन्द्र चतराका कार्यक्रम सि.अ.हे.व. योगेन्द्र कट्टेलले गरेका थिए ।
