इनरुवा । नेपाली काङग्रेस एक नम्वर प्रदेशका संसदीय दलका नेता राजिव कोइरालाले पार्टी अहिले पूर्ण रुपमा दुई चिरामा बिभाजित भइसकेको बताएका छन् ।
मोरङको बिराटनगरमा शुक्रबार पार्टीको प्रदेश अधिवेसन उद्घाटन कार्यक्रमलाई सम्बोधन गर्दैै नेता कोइरालाले सो कुरा बताएका हुन् । उहाँले पार्टीको १४ औं महाधिवेसन अन्तर्गत भएको बिभिन्न तहको अधिवेसन सम्पन्न हुदा पार्टी दुई चिरामा बिभाजित भइसकेको बताए ।
पार्टीको वडा, पालिका, प्रदेश, क्षेत्र जिल्ला अधिवेसन सम्म आउदा पार्टीमा गुटका कारण काङग्रेस दुई चिरामा बिभाजित भइसकेको नेता कोइरालाले दाबी गरे । नेता कोइरालाले पार्टीका शिर्ष नेतृत्वहरुले पार्टीलाई एक ढिक्क बनाएर अगाडि बढाउनु भन्दा गुटगत राजनीतिमा लागेका कारणले त्यस तर्फ सचेत रहनका लागि आग्रह समेत गरे ।
नेता कोइरालाले पार्टीका शिर्ष नेतृत्वहरुले पार्टीलाई एक ढिक्क बनाउनुका सट्टा पार्टीलाई बिभाजित गरेर आगोमा घ्यु थप्ने कार्य भएको बताए । पार्टीका नेताहरुले सहमति, सहकार्य र एकताको भुठ्ठा नारा नलगाउनका लागि आग्रह गर्दै त्यसलाई व्यवहारमा कार्यान्वयन गर्नका लागि नेता कोइरालाले आग्रह गरे ।
नेता कोइरालले पार्टीलाई एक ढिक्क बनाएर अगाडि बढाउनका लागि आग्रह गर्दै एक ढिक्क बनाएर अगाडि बढने क्षमता नभए ठाउँ छोडनका लागि समेत शिर्ष नेताहरुलाई आग्रह समेत गरे । नेता कोइरालाले पार्टी भित्र युवा, महिला, मधेसी, थारु, अपाङग लगायतका समुहलाई अपमानि नगर्नका लागि आग्रह गर्दै प्रदेश एकको प्रथम ऐतिहासिक अधिवेशनको सफलताको शुभकामना समेत व्यक्त गरे ।
