गनेश कुमार यादव
इनरुवा । सनातन धर्म संरक्षण मञ्चको आयोजनामा बिशाल मोटरसाईकल र्याली निकालिदैछ ।
सुनसरीको कोशी गाउँपालिकाको लौकहीबाट शनिवार सुरु हुने विशाल मोटरसाइकल र्याली सुनसरीको बिभिन्न पालिका परिक्रममा गरी पुनः इनरुवासंगै लौकहीमा सम्पन्न हुनेछ ।
उक्त र्याली लौकही,इनरुवा,इटहरी,दुहवी,बिराटनगर,देवानगञ्ज हुँदै पुनः इनरुवासंगै लौकही आएर कोण सभामा परिणत हुने सनातन धर्म संरक्षम मञ्चका कार्यवाहक अध्यक्ष राजेश हिन्दुले जानकारी दिए ।
उक्त विशाल मोटरसाइकल र्याली सनातन धर्म संरक्षम मञ्चको अगुवाई र हिन्दु स्वयंसेवक संघ नेपाल ,हिन्दु राष्ट्रिय स्वाभिमान जागरण सुनसरीको सहकार्यमा निकालिदैँछ । उक्त बिशाल मोटरसाइकल र्यालीमा सुनसरी सहित विभिन्न स्थान बाट हजारौंको संख्यामा हिन्दु अभियान्ता तथा युवाहरुको उपस्थिती रहने छ ।
सनातन धर्म माथि निरन्तर भई रहेको अन्याय,अत्याचार,दमन विरुद्ध हिन्दु एकताको सन्देश दिनका लागी उक्त विशाल मोटरसाइकल र्याली निकालिने भएको कार्यवाहक अध्यक्ष यादवको भनाई छ । आज ११ बजे लौकहीबाट विशाल मोटरसाइकल र्याली निकानलीने छ । सनातन धर्म संरक्षण मञ्चले नेपाल सरकारसँग बिभिन्न मागहरु राख्दै बिशाल मोटरसाइकल र्याली प्रदर्शन गर्न लागेको हो ।
नेपाललाई हिन्दु अधिराज्य घोषणा गराउने, हिन्दु आयोगको स्थापना, अन्तरधार्मिक विवाहलाई कानुनी रुपमा बन्देज लगाउनुपर्ने लगायतको बिभिन्न मागहरु अघि सार्दै बिशाल मोटर साईकल र्यालीबाट सरकारलाई दवाव दिनका लागि र्यालीको आयोजना गरिएको सनातन धर्म संरक्षण मञ्चले जनाएको छ ।
