इनरुवा । नेपाली कांग्रेसका केन्द्रीय सदस्य तथा संचार सूचना तथा प्रविधि मन्त्री ज्ञानेन्द्रबहादुर कार्कीले प्रदेश १ मा कांग्रेसलाई बलियो बनाउनका लागि प्रदेशमा सक्षम नेतृत्व चयन गर्न आवश्यक रहेको बताएका छन् ।
मोरङ्गको बिराटनगरमा नेपाली कांग्रेस प्रदेश १ को प्रथम अधिवेशन उद्घाटन कार्यक्रमलाई सम्वोधन गर्दै सो कुरा बताएका हुन् ।
नेपाली कांग्रेसको संगठनलाई बलियो बनाउनका निमित प्रदेश अधिवेशनबाट सक्षम, योग्य र निष्ठावान व्यक्तिलाई नेतृत्व दिनुपर्ने उनले बताए । प्रदेश १ को अधिवेशनमा सुझबुझका साथ मतदान गर्नुपर्ने उनले बताए । उनले भने, ‘कसैको भावनामा आएर, आवेगमा आएर, आग्रह वा पुर्वाग्रहमा आएर मतदान गरेको खण्डमा नेपाली कांग्रेको अभिलाषा पुरा हुन सक्ने छैन् ।’
नेपाली कांग्रेसको माध्यमद्वारा देशको गरिबी र बेरोजगारी समस्या अन्त्य गर्ने भावनाको विकास हुन सक्ने छैन् । त्यसैले प्रदेशको पदाधिकारीहरु चयन गर्दा गम्भिर भएर नयाँ नेतृत्व चयन गर्न आवश्यक छ ।
मतदान गर्दा नेपाली कांग्रेसको संगठनलाई बलियो बनाउन सक्ने, संगठनलाई बिस्तार गर्न सकिने सक्षम नेतृत्वलाई चयन गर्न आवश्यक छ उनले भने ।
गत स्थानीय तहको निर्वाचनमा नेपाली कांग्रेसका उम्मेदवारलाई बिजयी गराउन नसक्नुलाई बिवेचना गर्न आवश्यक छ उनले भने, अवको नेतृत्व संगठन गर्ने व्यक्तिको आवश्कता भएकोले मतदान गर्दा काम गर्ने व्यक्तिलाई चुन्नका लागि उनले मतदाताहरुलाई आग्रह गरे ।
नेपाली कांग्रेसलाई देशमै शक्तिशाली र बलियो बनाउन आवश्यक रहेकोले प्रदेश अधिवेशनले एकताको सन्देश प्रवाह गर्नका लागि लोकतान्त्रिक पद्धतिलाई अंगालेर नेतृत्व चयन गर्न मतदाताहरुलाई उनले सुझाएका थिए ।
नेपाली कांग्रेसमा भाषण गर्ने व्यक्ति होइन् उनले भने, ‘संगठन निर्माण गर्न सक्ने व्यक्तिलाई अवसर प्रदान गर्नुपर्छ ।’ मुलुकमा भाषण गरेर संगठन निर्माण र विकास असम्भव रहेको छ ।
संगठन निर्माण गर्न आवश्यक रहेकोले प्रदेश अधिवेशनमा काम गर्न सक्ने र संगठनलाई सुदृढिकरण गर्दै निर्वाचनमा कांग्रेसलाई जिताउन सक्ने पदाधिकारीहरुको आवश्यकता भएको हुदाँ मतदान गर्दा सुझबुझका साथ सही नेतृत्व चयन गर्नका लागि प्रथम प्रदेश अधिवेशनमा मतदाताहरुलाई संचारमन्त्री कार्कीले अनुरोध गरेका थिए । नेपाली कांग्रेलाई सशक्त पार्टी बनाउने तथा देश र बिदेशमा भरोसायोग्य नेतृत्व प्रदान गर्ने व्यक्तिलाई नेतृत्व चयन गर्न सकेमात्र नेपाली कांग्रेस भोली चाहेको कांग्रेस हुने उनले बताए ।
नेपाली कांग्रेसको काँधमा एउटै जिम्मेवारी छ, उनले भने,‘नेपाललाई धनी बनाउने ठुलो जिम्मेवारी आएकोले सबैले पत्याउने नेतृत्व आएमात्र सपना पुरा गर्न सम्भव रहेको छ ।
नेपाली कांग्रेस सबैको साझा पार्टी भएको भावना जागृत गराउन आवश्यक छ, उनले भने, ‘भावना जागृत गराउनका निमित सार्मथ्यवान,अनुभवी र शासनसक्ता सम्हालेको व्यक्तिले मात्र गर्नसक्दछ ।’ त्यस दिशामा कांग्रेसलाई अगाडी बढाएर नयाँ पुस्तालाई अवसर प्रदान गरेमात्र नेपाली कांग्रेसको संगठन बलियो र सबैको लोकप्रिय पार्टी बन्ने विश्वास उनले व्यक्त गरे ।
