गनेश कुमार यादव
इनरुवा । सनातन धर्म संरक्षण मंचको आयोजनामा सुनसरीमा मोटरसाइकल र्याली सम्पन्न भएको छ ।
कोशी गाउँपालिकाको लौकहीबाट सुरु भएको मोटरसाइकल र्याली सुनसरीका बिभिन्न पालिका परिक्रममा गरी इनरुवा नगरपालिका वडा नं १ लोकतान्त्रीक चोकमा आएर कोण सभामा परिणत भएको थियो ।
उक्त मोटरसाइकल र्याली सनातन धर्म संरक्षम मञ्चको अगुवाई र हिन्दु स्वयंसेवक संघ नेपाल, हिन्दु राष्ट्रिय स्वाभिमान जागरण सुनसरीको सहकार्यमा निकालिएको हो ।
उक्त मोटरसाइकल ¥यालीमा सुनसरी सहित विभिन्न स्थान बाट हजारौंको संख्यामा हिन्दु अभियन्ता तथा युवाहरुको उपस्थिती रहेको थियो ।
सनातन धर्ममाथि निरन्तर भई रहेको अन्याय, अत्याचार, दमन विरुद्ध हिन्दु एकताको सन्देश दिनका लागी उक्त मोटरसाइकल र्याली निकालिएको कार्यवाहक अध्यक्ष राजेश हिन्दुले जानकारी दिए ।
सनातन धर्म संरक्षण मञ्चले नेपाल सरकारसँग बिभिन्न मागहरु राख्दै बिशाल मोटरसाइकल र्याली प्रदर्शन गरेकोे हो । नेपाललाई हिन्दु अधिराज्य घोषणा गराउने, हिन्दु आयोगको स्थापना, अन्तरधार्मिक विवाहलाई कानुनी रुपमा बन्देज लगाउनुपर्ने लगायतको बिभिन्न मागहरु अघि सार्दै बिशाल मोटर साईकल र्यालीबाट सरकारलाई दवाव दिनका लागि र्यालीको आयोजना गरिएको सनातन धर्म संरक्षण मञ्चले जनाएको छ ।
कोण सभालाई दिलीप चन साहु, राजेश हिन्दु, बुधनारायण यादव लगायत हिन्दु अभियान्ताहरुले सम्बोधन गरेको थियो ।
