इनरुवा । सेभ द अर्थ सुनसरीले २२ औं साधारण सभा सम्पन्न गरेको छ । सुनसरीको रामधुनी नगरपालिकामा सेद द अर्थको २२ औं साधारण सभा सम्पन्न गरेको हो ।
सुनसरीको सर्वोत्कृष्ट संस्थाका रुपमा रहेका सेभ द अर्थले सुनसरी सहित अन्य जिल्लामा स्वास्थ्य लगायतको क्षेत्रमा काम गर्दै आएको छ । सेभ द अर्थ सुनसरीले लामो समयदेखी सामाजिक क्षेत्रमा काम गर्दै आएको पुरानो संस्था हो ।
केही वर्ष अघि सुनसरी सदरमुकाम इनरुवामा संस्थाको कार्यालय राखी सुनसरीको दक्षिणवर्ती क्षेत्र सहित बिभिन्न ठाउँमा कार्य गरेको सेभ द अर्थका अध्यक्ष पुष्प भट्टराईले जानकारी दिए ।
संस्थाले २१ वर्ष पुरा गरी २२ औं वर्षमा प्रवेश गर्दै आगामी दिनमा संस्थाले बिशेष गरी स्वास्थ्य क्षेत्रमा कार्य गर्दै आएको हो । सेभ द अर्थ सुनसरीले कोभिड–१९ को समयमा सुनसरी सहित अन्य जिल्लाका पालिकाहरुमा निःशुल्क स्वास्थ्य सुरक्षाका समाग्री वितरण गरेका थिए । मानव जीवनको रक्षाका लागि सेभ द अर्थले स्वास्थ्य सुरक्षाका समाग्री वितरण गरेका थिए ।
२२ औं साधारण सभाका प्रमुख अतिथि रामधुनी नगरपालिकाका नगर प्रमुख जयप्रकाश चौधरीले सफलताको शुभकामना व्यक्त गर्दै आगामी दिनमा नमुना संस्थाका रुपमा कार्य गर्नका लागि अनुरोध गरेका थिए ।
प्रमुख अतिथि चौधरीले सेभ द अर्थ सुनसरीले लामो समयदेखी सामाजिक क्षेत्रमा योगदान पुर्याउँदै आएकाले संस्थागत विकाससँगै जनचेतना फैलाई समाज सुधारतर्फ अग्रसर हुन आवश्यक रहेको बताए ।
संस्थाका कोषाध्यक्षले गत आर्थिक वर्ष २०७७÷२०७८ को आय व्ययको प्रतिवेदन प्रस्तुत गर्दै संस्थागत प्रतिवेदनलाई समेत साधारण सभाबाट पास गराएको थियो । सेभ द अर्थका अध्यक्ष पुष्प भट्टराईको अध्यक्षतामा कार्यक्रम सम्पन्न भएको थियो भने उक्त कार्यक्रममा बिभिन्न सरोकारवालाहरु , रामधुनीका वडाध्यक्षहरु तथा स्वास्थ्य शाखाका प्रतिनिधिहरुको सहभागिता रहेको थियो ।
