इनरुवा । नेकपा माओवादी केन्द्र इनरुवा नगरको अध्यक्ष पदमा तोया गिरी पौदार निर्वाचित भएकी छिन् । नेकपा माओवादी केन्द्र इनरुवाको पार्टी कार्यालयमा सम्पन्न निर्वाचनबाट नगर अध्यक्ष पदमा गिरी निर्वाचित भएकी हुन् ।
इनरुवा नगरपालिकाको १० वटै वडाबाट ६५ जनाले मतदान गर्ने अधिकार पाएकाहरुले नगर अध्यक्ष चुन्नका लागि जिम्मेवारी पाएका थिए ।
इनरुवा नगरमा ६५ जनाले मतदान गर्ने अधिकार भएपनि सोमवार सम्पन्न निर्वाचनमा नगर अध्यक्षमा तोया गिरी पौदारले ३४ मत ल्याएर विजयी भएकी छिन भने उनका निकटतम प्रतिद्वन्द्वी रमेश भट्टराईले २९ मत प्राप्त गरेका छन् ।
इनरुवामा सम्पन्न मतगणनाको परिणामबाट नगर अध्यक्षमा तोया गिरी पौदारले ५ मतान्तरले वियजी भएकी छिन् । जम्मा मतदाता ६५ जना मध्ये ६३ जनाले नगर अध्यक्ष पदमा मतदान गरेका थिए । जसमध्ये गिरीले ३४ र भट्टराईले २९ मत पाएका थिए ।
यस अघि तोया गिरी कार्यवाहक अध्यक्षको रुपमा जिम्मेवारी सम्हाल्दै आएकी थिईन् । नगर अध्यक्षमा भट्टराईले जिम्मेवारी पाएको केही दिन लगतै जिल्लाका नेताहरुले गिरीलाई कार्यवाहक अध्यक्षको जिम्मेवारी दिएपछि नगरको विवादलाई समाधान गर्नका लागि सोमवार निर्वाचन प्रक्रियाबाट तोया गिरी पौदारले ५ मतान्तरले बिजयी भएकी थिइन् ।
नगरको नेतृत्वमा आपसी समझदारी नभएकाले निर्वाचन प्रक्रियाबाट नेतृत्व चयन गरेका थिए । नगर कार्यसमितिका पदाधिकारीहरुको सहमतिमा नै चयन भइसकेको छ । नगर अध्यक्ष पदमा सहमति हुन नसकेपछि चुनावी प्रक्रियाबाट नेतृत्व चयन गरेका हुन् ।
त्यस्तै यस अघि नै नगर कमिटीको उपाध्यक्षमा शंकर सापकोटा, सूर्यनारायण यादव, भबरु चौधरी सर्वसम्मतबाट चयन भएका छन् । सचिवमा मुख्तार आलम, सह–सचिवमा धुब्र पण्डित, कोषाध्यक्षमा बिमला पोखरेल चयन भएको नेकपा माओवादी केन्द्र इनरुवा नगर कमिटीले जनाएको छ ।
७ जना पदाधिकारी सहित ६५ सदस्यीय नगर कमिटी गठन गरिएको माओवादी केन्द्रले जनाएको छ । सदस्यहरुमा दिपनारायण यादव(डिएन), सन्जु कुमारी यादव, शुक्र खत्वे, हबिव मंसुरी, आशा मोते, बिष्णु परियार, मन्जु पराजुली, शंकर खड्का, भावना अधिकारी, प्रमोद पौदार, नरेश मेहता, चन्दन मेहता, लक्ष्मण मेहता लगायत ६५ सदस्यीय नगर कमिटी विस्तार भएको हो ।
