जुगेश दास
देवानगञ्ज । सुनसरीको सिमावर्ती क्षेत्र देवानगन्ज गाउँपालिका २ बजार स्थित रहेकोे पम्प बाट किसानहरुलाई सहज रूपमा इन्धन आपूर्ति भइरहेका छन ।
बिगत केही बर्ष देखि पम्प बाट डिजेल , पेट्रोल तस्करी गरि भारत तर्फ लग्ने गरेका थिए । भने स्थानीय किसान लाई खेत जोत गर्न, खेतमा पानी हाल्न , धान , गहु मकै दाउनी गर्नका लागि डिजेलका लागि लाइनमा बस्नुपर्ने, तेल सकिएको बहानाले बर्सेदेखि बाध्य बनाउने गरेको थियो ।
इन्धन तस्करीको विषयमा स्थानीयहरुले बारम्बार अवाज उठाउनुका साथै विभिन्न सञ्चार माध्यमले इन्धन तस्करीको बारेमा समाचार प्रकाशन गरे ता पनि स्थानीय प्रहरी प्रशासनले कुनै पनि व्यवस्था नगरेकाले किसानहरु मार्मा परेका थिए ।
यता केही दिन देखि इन्धन तस्करीको बिषयमा स्थानीय प्रहरी प्रशासनले कडाइका साथ निगरानी बढाइएको छ । इन्धन तस्करी निगरानीमा शस्त्र सिमासुरक्षा प्रहरी बलका प्रहरी निरिक्षक कप्तनागञ्जका रामचरण यादव र नेपाल प्रहरी देवानगञ्ज ईलाका प्रहरी कार्यलायका प्रहरी निरिक्षक बद्रीप्रसाद दाहालले कडाइका साथ निगरानी गर्दे आएपछि स्थानीयहरुले सहज रूपमा डिजेल , पेट्रोल पाउने गरेको स्थानीयहरुले जानकारी दिएका हुन ।
