जुगेश दास
देवानगंज । सुनसरीको देवानगंज गाउँपालिकाका किसानलाई उन्नत जातका गहु र मकैको बिउ निःशुल्क बितरण गरेको छ ।
देवानगंज गाउँपालिका वडा नम्बर–७ का ४ सय ८० जना किसानहरुलाई एक कार्यक्रमकाबीच बिउ निःशुल्क वितरण गरेको हो ।
कृषिमा सुधारका लागि संघिय सरकारबाट आएको अनुदानबाट प्रत्येक किसानलाई २ किलो मकै , १० केजी गहुँ र जो घाँस बितरण गरिएको देवानगन्ज गाउँपालिका वडा नम्बर–७ का वडा अध्यक्ष बद्री प्रसाद यादवले बताएका छन् ।
वडा अध्यक्ष यादवले गहुँका बिउ ३ सय २० जना किसानलाई प्रदान गरेको बताउँदै उनले मकैको बिउ १ सय ६० जना गरि गहु र मकै बिउ मिलाएर जम्मा ४ सय ८० जना किसानलाई बिउ वितरण गरेका बताए । उनले समय अभावका कारण जो घाँस आज वितरण गर्ने वडा कार्यालयले जनाएको छ ।
गहु र मकै बीउ पाएका रामप्रसाद मेहता र दोस्रो किसान राम यादव लगायतका किसानहरुले पालिकाका अध्यक्ष लाली प्रसाद मेहता र वडा नम्बर–७ का वडाध्यक्ष बद्री प्रसाद यादवलाई धन्यवाद ज्ञापन गरेका थिए ।
