इनरुवा । सुनसरीको जिल्ला प्रशासन कार्यालय सुनसरीमा नेपाल मानवअधिकार वर्षपुस्तक २०२२ को पुर्व वार्षिक समिक्षा बिहिवार सम्पन्न भएको छ ।
इन्सेक सुनसरीको आयोजना र मानवअधिकार र सामाजिक न्यायको निम्ति कार्यरत अनौपचारिक क्षेत्र सेवा केन्द्र (इन्सेक) १ नम्वर प्रदेश कार्यालय विराटनगरको सहयोगमा एक दिने मानवअधिकार वर्षपुस्तक २०२२ को पुर्व वार्षिक समिक्षा कार्यक्रम सम्पन्न भएको हो ।
समीक्षा कार्यक्रममा इन्सेक प्रतिनिधि जयकृष्ण यादवले प्रतिवेदन प्रस्तुत गरेका थिए । प्रस्तुत प्रतिवेदनमा जनवरी १ देखी डिसेम्बर ८ सम्ममा भएको कार्वाही, उपचार, हनन उल्लंघन तथा अपराध र मानव अधिकारको विषयमा प्रतिवेदन सार्वजनिक गरेको छ ।
सुनसरी जिल्लामा हत्या २ वटा, कुटपिट/ घाइते २ वटा, घरेलु हिंसा ९० वटा, बलात्कार ८० वटा, बलत्कार प्रयास २६ वटा, बहुविवाह ३५ वटा, मानव बेचविखन ५ वटा, बोक्सी आरोप १ वटा, नागरिक तथा राजनीतिक अधिकार ५ वटा घटना जनवरी १ देखी डिसेम्बर ८ सम्म भएको प्रतिवेदनमा उल्लेख गरिएको छ ।
त्यसैगरी बाल यौन दुरुपयोग १४ वटा, तोडफोड १ वटा, भौतिक संरचना क्षती १ वटा, अपहरण २ वटा, अप्राकृतिक मैथुन १ वटा, बालविवाह ४ वटा, गर्भ संरक्षण (वि.क) १ वटा, एसिड आक्रमण १ वटा, बाल बिज्याई १ वटा र पत्रकारलाई धम्की ४ वटा गरी २ सय ७६ वटा घटनाहरुलाई समेटेर सुनसरीका इन्सेक प्रतिनिधि यादवले प्रतिवेदन प्रस्तुत गरेका हुन् ।
९० जना घरेलु हिंसाबाट पीडित भएको प्रतिवेदन उल्लेख गरिएको छ । घरेलु हिंसालाई न्युनीकरणका लागि बिभिन्न संघसंस्थालेहरुले गाउँटोलमा लागि परेपनि सुनसरी जिल्लामा दिनँहु बढ्दोको संख्या रहेको छ । घरेलु हिंसाको घटना जिल्ला प्रहरी कार्यालय सुनसरी लगायत न्यायिक समितिमा उजुरी लिएर आउनेको संख्या पनि बढ्दो रहेको छ । घरेलु हिंसा न्युनीकरणका लागि र जनचेतना फैलाउने उद्देश्यले अहिले गाउँटोलमा १६ दिने अभियान चलिरहेको छ ।
सुनसरी जिल्लामा बलत्कारको घटना पनि दिनँहुजसो बढ्दो रहेको छ । इन्सेकले सार्वजनिक गरेको प्रतिवेदन अनुसार बलत्कार एक वर्षको हाराहरीमा ८० वटा भएको तथ्याङ्क उल्लेख गरिएको छ । यसैगरी समाजमा बहुविवाह गर्नेको संख्या बढ्दै गएको प्रतिवेदनले बताएको छ भने बलात्कार प्रयासको पनि उतिकै बढ्ने क्रम जारी रहेको छ । यसलाई रोकथाम तथा न्युनीकरण गर्नका लागि सम्वन्धित सरोकारवालाहरुको सक्रियता बढाउन आवश्यक देखिन्छ ।
गैरसरकारी संस्था महासंघका अध्यक्ष मेघराज न्यौपानेको अध्यक्षतामा भएको सो कार्यक्रम सुनसरीका प्रमुख जिल्ला अधिकारी इन्द्रदेव यादवको प्रमुख आथित्यमा सम्पन्न भएको हो ।
कार्यक्रममा जनता समाजवादी पार्टीका रघुनन्दन मेहता, अभिनन्द यादव, नेपाल पत्रकार महासंघका कोषाध्यक्ष अजित कुमार झा, सदस्य दिपेन्द्र यादव, पार्सद सुनिल कुमार चौधरी, पत्रकार राजेन्द्र पोखरेल, अमर काफ्ले, सुरेन्द्र मेहता, मुनाफ हसन, गणेश यादव, सामाजिक अभियन्ता दिलिप चन्द साहु लगायतकका सरोकारबालाहरुको सहभागिता रहेको थियो ।
