इनरुवा । सुनसरीको भोक्राहा नरसिंह गाउँपालिकाका अध्यक्ष महेन्द्र प्रसाद यादव सुनसरी जिल्ला अदालतबाट सफाई पाउँदै आठ महिनापछि आइतवार रिहा भएको छ ।
गत बैशाख ८ गते इलाका प्रहरी कार्यालय धरान सुनसरीले पालिका अध्यक्ष यादवलाई बलत्कारको अभियोगामा पक्राउ गरि र्पुपक्षका लागि झुम्का कारागरा पठाइएको थियो ।
धरानको एक होटलमा नास्ता खान गएको बेलामा एक युवतीले आफुलाई बलत्कार गरेको भन्दै उजुरी दिएपछि अध्यक्ष यादवलाई जिल्ला अदालत सुनसरीले र्पुपक्षका लागि झुम्का कारागार पठाइएको थियो ।
पालिका अध्यक्ष यादवलाई भोक्राहा नरसिंहका केही नेताहरुले योजना बनाएर फसाइएपनि जिल्ला अदालत सुनसरीले उनलाई न्याय दिदै आठ महिनापछि सफाई दिएपछि आइतवार कारागारबाट आफनो घर आएको समाचार श्रोतले जनाएको छ ।
अध्यक्ष यादवका समर्थकहरुले स्वागत गर्न झुम्का कारागार पुगेका थिए । आइतवार बेलुका साढे ६ बजेपछि झुम्का कारागारबाट उनका समर्थकहरुले घर ल्याएपछि भोक्राहा नरसिंह बासी खुशी हुदै भब्य स्वागत गरेका छन् ।भोक्राहा नरसिंह गाउँपालिकाका अध्यक्ष महेन्द्र प्रसाद यादवलाई षड्यन्त्र पूर्वक फसाएपछि उनलाई आठ महिना कारागार बस्न बाध्य बनाएको उनका समर्थकहरुले बताएका छन् ।
सुनसरी जिल्ला अदालतका ६ नम्बर न्यायधिश टिकेन्द्र दाहालको इजलासले अध्यक्ष यादवलाई सफाई दिएका हुन् । आईतबार छैठौ पटकको पेशीमा दाहालको इजलासले भोक्राहा नरसिंह गाउँपालिकाका अध्यक्ष यादवलाई सफाई दिएको हो ।
सुनसरी जिल्ला अदालतले ढिलै भएपनि न्याँय दिएको भोक्राहा नरसिंह गाउँपालिकाका कानुनी सल्लाहकार पन्चदेव मेहताले जानकारी दिए ।
अदालतले गत जेठ २ गते जबरजस्ती करणी महलमा इलाका प्रहरी कार्यालय धरानको दावी बमोजिम मुद्धा दर्ता गरेको थियो ।
गत बैसाख ८ गते गिरफ्तार गरी बालिका बलात्ककारको आरोप लगाएको थियो तर अदालतमा २०७८ जेठ ३ मुद्दा फाँट–६ को न्यायधिश टिकेन्द्र दाहालको आदेशमा मुद्धा किनारा नलागेसम्म पुर्पक्षको लागि थुनामा राख्ने आदेश दिएको थियो ।
२०७८–०६–१२ स्वास्थ्य परीक्षण प्रतिवेदन झिकाउने काम, २०७८–०७–२८ गते बहस नोट पेश गर्न लगाउने सहित छ वटा पेशी तोकेको थियो । त्यसमा अन्तिम फैसला गर्दै आईतबार यादवलाई निर्दोष ठहर गर्दै सफाई पाएको सुनसरी जिल्ला अदालतले जनाएको छ ।
भोक्राहा नरसिंहका अध्यक्ष यादवले आफुलाई षडयन्त्र पुर्वक फसाएर बदनाम गरेसँगै कारागारमा पठाएको बताउँदै उनले न्याय माथिको भरोसा र विश्वासले आठ महिनापछि रिहा भएको बताए । न्यायालयले सबैलाई ढिलो र चाँडो न्याय दिन्छ त्यसैले मलाई अलि ढिलो भएपनि निर्दोष सावित गर्दै मुद्दालाई किनारा लगाउँदै मलाई सफाई दिएकोले न्यायालयलाई धन्यवाद व्यक्त गरेको उनले बताए ।
