टोमराज मेहता
काठमाण्डौं । नेपाली कांग्रेसको १४ औं महाधिवेशनमा नेपाली कांग्रेसको खुलातर्फबाट केन्द्रीय सदस्यका उम्मेदवार डाक्टर अबुल हुसेन अन्सारीले मन र मत दिएर बिजयी बनाउन मतदाताहरुलाई अनुरोध गरेका छन् ।
नेपाली कांग्रेसको सोमवार हुने निर्वाचनमा अत्यधिक मत दिएर बिजयी बनाउन अनुरोध गर्दै केन्द्रीय सदस्यका उम्मेदवार अन्सारीले पार्टीको नीति र विधान अनुसार कार्य गर्ने भएकोले मन र मत दिएर खुलातर्फको केन्द्रीय सदस्य पदमा बिजयी बनाउन सबै मतदाताहरुलाई अनुरोध गरेका हुन् ।
नेपाली कांग्रेसको १४ औं महाधिवेशनमा आफुले खुलातर्फबाट केन्द्रीय सदस्यमा आइतवार उम्मेदवारी दर्ता गरेको हुनाले साथ र सहयोगको अपेक्षा गर्दै मन र मत दिएर बिजयी बनाउन ७ वटै प्रदेशको मतदाताहरुलाई उनले अनुरोध गरेका हुन् ।
सुनसरीको भोक्राहा नरसिंह गाउँपालिकाका युवा नेता डाक्टर अबुल अन्सारी सुनसरी क्षेत्र नम्बर ४ बाट केन्द्रीय महाधिवेशन प्रतिनिधिमा भारी मतले बिजयी भएका थिए । उनी अहिले काठमाण्डौं बसेर राष्ट्रिय राजनीतिकमा पहुँच बनाएर १४ औं महाधिवेशनमा खुलातर्फबाट केन्द्रीय सदस्यका उम्मेदवार बनेका छन् ।
सुनसरीसँगै मुलुकभरमै आफनो पहिचान कायम राख्न सफल भएका युवा नेता डाक्टर अबुल हुसेन अन्सारीले सुनसरी अनलाइनसँग कुराकानी गर्दै सोमवार हुने निर्वाचनमा मतपत्र क्र.स. ३ मा मतदान गरी बिजयी बनाई म जस्तो युवालाई नेतृत्वमा पुगाई दिनका लागि सबै मतदाताहरुलाई आग्रह गरेका छन् ।
नेपाली कांग्रेसको कार्यसमितिमा बसेर नेतृत्व गरी मुलुकमा परिर्वतन ल्याउनका लागि एजेण्डा सहित पार्टीमा कसैलाई काखापाखा नगर्ने प्रतिवद्धता सहित उनले पार्टीको मुल्य मान्यतालाई कायम गर्दैै मुलुमभर कांग्रेसमय बनाउन भूमिका खेल्ने बताए । युवाहरुको सहभागितासँगै अग्रजलाई सम्मान गर्ने अठोटका साथ नेपाली कांग्रेसलाई बलियो बनाउन र लोकतन्त्र रक्षाका लागि काम गर्ने अन्सारीले बताए ।
नेपाली कांग्रेस पार्टीलाई उचाईमा पुर्याउनका लागि आफनो ठाउँबाट भुमिका निर्वाह गर्ने र नेतृत्वमा पुगेपछि पार्टीलाई नयाँ दिशातर्फ डोरयाउने काम गर्छु उनले भने । उत्साह, एकता र रुपान्तरणका नारालाई सार्थक बनाउनका लागि खुलातर्फबाट केन्द्रीय सदस्य पदमा उम्मेदवारी रहेको छ, उनले भने,‘सोमवार हुने निर्वाचनमा मलाई मन र मत दिएर नेतृत्व पुगाउन तपाईहरुको आर्शिवादको खाँचो छ ।
