सुनसरी । नेपाली काङ्ग्रेसले नवनिर्वाचित केन्द्रीय कार्यसमितिको पहिलो बैठक शनिबार बस्ने भएको छ । पुस १० गते पार्टीको केन्द्रीय कार्यालय सानेपामा बस्ने गरी बैठक बोलाएको छ ।
१० गते बैठक बोलाइएको भएपनि पनि समय भने भने तय भएको छैन भने पुस ९ गते केन्द्रीय निर्वाचन समितिले नवनिर्वाचित पदाधिकारी र सदस्यलाई प्रमाणपत्र वितरण गर्ने कार्यक्रम रहेको छ । सोही दिन पार्टी सभापति शेरबहादुर देउवाले पनि पदभार ग्रहण गर्नेछन् ।
काङ्ग्रेस १४औँ महाधिवेशनबाट १३ जना पदाधिकारी १ सय २१ जना केन्द्रीय सदस्यसहित नयाँ नेतृत्व आएको छ ।
सभापतिमा शेरबहादुर देउवा, उपसभापतिमा पूर्णबहादुर खड्का, धनराज गुरुङ, महामन्त्रीमा विश्वप्रकाश शर्मा र गगन थापा निर्वाचित भएका छन् । यस्तै, आठ सहमहामन्त्री पनि निर्वाचित भएका छन् । जसमा भीष्मराज आङदेम्बे, महालक्ष्मी उपाध्याय (डिना), किशोरसिंह राठौर, जीवन परिवार, फरमुल्लाह मन्सुर, उमाकान्त चौधरी, महेन्द्र यादव र बद्री पाण्डे निर्वाचित भएका छन् । अहिलेसम्म पदाधिकारीसहित ९७ जनाको नजिता आएको छ । बिहीबार एक बजेसम्ममा सबै पदको मत गणना सक्ने र ९ गते प्रमाणपत्र वितरण गर्न तयारी भएको निर्वाचन समिति जनाएको छ ।
