इनरुवा । सुनसरीको दुहबी नगरपालिका–१ का लक्ष्मण कुमार रामको एक युवतिसँग प्रेम बस्यो । युवतिसँग प्रेम गर्दा गर्दै वैदेशिक रोजगारका क्रममा खाडी मुलुक कतार पुगे । दुहवी–१ की मण्डल थरकी एक युवतीसँग पाँच वर्षदेखी प्रेम सम्वन्धमा बाँधिएका राम जिविकोपार्जन र आर्थिक पक्ष सवल बनाउनका लागि खाडी मुलुक कतार पुगे ।
१० महिना नपुग्दै प्रेमिकालाई पाउनका लागि पुनः आफनो ठाउँ दुहबी फर्किए । उनको प्रेमिका मण्डलसँग विवाह गर्छु र जीवनसाथी बनाएर बस्छु भन्दै केटाको घर पुग्छिन् । केटीपक्षले खोजीतलासी गर्दै केटाको घर पुगेर कुटपिट गर्दै उनलाई जवरजस्ती लिएर गएको केटापक्षको आरोप छ । केटाका बुवाले बुधवार आयोजित पत्रकार सम्मेलनमा लक्ष्मण कुमार राम वैदेशिक रोजगारमा
रहेकोले केटीलाई घरमा राख्न सक्ने अवस्था नरहेको र तर आफनो घरमा केटी आएको जानकारी दुहबी–१ का वडाध्यक्षलाई गराएका थिए । केटीलाई जवरजस्ती लिएर इलाका प्रहरी कार्यालय मार्फत महिला पुनस्र्पाथपना केन्द्र ओेरेक नेपालको सेफ हाउसमा केटी पक्षले १६ दिनदेखी राखेको र कसैलाई भेटन समेत नदिएको केटापक्षको आरोप छ ।
मण्डलका बुवाले आफुहरु दलित भएका कारण केटीपक्षले विवाह गर्न नदिएकोले केटीलाई अहिले सेफ हाउस ओरेक नेपालमा राखेको बताउँदै केटीलाई जवरजस्ती आफुहरुबाट टाढा गरिएको बताए । केटा र केटीको उमेर पुगेकाले विवाह हुनुपर्नेमा जोड दिदै केटीको इच्छा अनुसार आफ्नो छोरासँग हिन्दु धार्मिक अनुसार विवाह गर्न आफु तयार रहेको उनले बताए ।
लक्ष्मण कुमार रामले भने, ‘आफनो प्रेमिका नपाए आत्महत्या गर्छु’ । दुबैजनाको उमेर पुगेकाले आफ्नो प्रेमिका पाउनका लागि १० महिनामै कतारबाट फर्किएर आएको छु । उनीसँग दाम्पत्य जीवन बिताउन तयार रहेको छु । प्रेम अन्धो हुन्छ, त्यसैले मण्डलसँग पाँच वर्षको प्रेम सम्वन्ध कायम गर्नका लागि विवाह गर्छु । जीवन साथी उनलाई स्वीकार गरेको छु । त्यसैले उनीलाई नपाए केटीको घर वा इलाका प्रहरी कार्यालय दुहबीमा गएर आत्महत्या गर्छु ।
आफुलाई आफनो प्रेमिकासँग भेटने वातावरण मिलाई दिनका लागि र अन्र्तजातिय विवाह गर्न आफु तयार रहेकोले सम्वन्धित निकायहरुले पहल गरिदिनका लागि अनुरोध गर्छु–उनले भने । मण्डलले भने, ‘इलाका प्रहरी कार्यालय दुहबीबाट पनि दबाव आयो, घर आउ र प्रेमिकासँग विवाह गरेर घर बसाउ । ओरेक नेपालबाट पनि बारम्बार फोन आयो, घर आएपछि मात्र विवाह गर्न पाउँछौं अनि मात्र म कतारबाट विवाह गर्न घर आएँ तर यहाँ अर्के नाटक सुरु भएको रहेछ ।’
स्मरण रहोस्, सुनसरीको इनरुवा नगरपालिका–९ की एक युवति र भोक्राहा नरसिंहका एक युवकबीच प्रेम सम्वन्धलाई चक्नाचुर पार्नखोज्दा जिल्ला प्रहरी कार्यालय सुनसरी
हिरासतभित्र रहेका युवकले आत्महत्या गरेका थिए । सम्वन्धित सरोकारवालाहरुले चासो र पहल गरि मण्डल र रामबीचको प्रेम सम्वन्धलाई कायम गर्न भुमिका निर्वाह गर्न आवश्यक छ ।
