इनरुवा । सुनसरीको इनरुवामा क्रिसमस डेको अवसरमा ख्रीष्ट जन्मउत्सव मनाएको छ । इनरुवा–३ स्थित रहेको एलोहीम चर्चमा क्रिश्चियन धर्मावलम्बीहरुले बिभिन्न कार्यक्रम गरि ख्रष्ट जन्म उत्सव कार्यक्रम मनाएका हुन् ।
इनरुवा–३ एलोहीम चर्चमा नाचगान सहित बिभिन्न कार्यक्रम गरी ख्रष्ट जन्म उत्सव मनाएको हो । ख्रष्ट जन्म उत्सवको अवसरमा एक आपसमा उपहार साटासाट गरि खुशीयाली मनाउँदै कार्यक्रम सम्पन्न भएको छ ।
एलोहीम चर्च इनरुवा–३ का पास्टर गुरु प्रताप मुखिया(पीएल), गुरुआमा तथा मण्डली परिवारकी पास्टर गौरीदेवी मुखियालाई जन्म उत्सव कार्यक्रममा सहभागिहरुले उपहार प्रदान गरेका थिए । इनरुवामा २०६० सालदेखी सुरु भएको चर्च हालसम्म निरन्तर चलिरहेको पास्टर मुखियाले जनाएको छ । चर्चमा २० परिवारका १ सय जना सहभागिता रहेको उनले बताए ।
एलोहीम चर्च इनरुवा–३ का पास्टर पीएल मुखियाले ख्रष्ट जन्म उत्सवको अवसरमा नाँचगान गरि एक आपसमा खुशीयाली साट्दै इशुको चर्चा गरिएको बताए । क्रिश्चियन धर्मावलम्बीहरुको महान पर्व स्वरुप प्रत्येक वर्ष डिसेम्बर २५ तारेखमा विश्वभरी जन्म उत्सव मनाउने क्रममा इनरुवाको चर्चमा पनि मनाएको उनले बताए । यस धर्ममा शान्ति, मुक्ती र प्रेमले सामाजिक सदभाव कायम हुने उनले बताउँदै नेपालमा ३० लाख भन्दा बढी क्रिसियन धर्मावलम्बीहरु रहेको जानकारी गराएका थिए ।
एलोहीम चर्चका पास्टर मुखियाले कोरोना महामारीको बेला भोक्राहा नरसिंह–७ का गुदर यादवलाई परमेश्वर इशुको कृपाले बचाउन सफल भएको र उनको लागि प्रार्थना गरि अन्तिम अवस्थाबाट फकाइएको चर्चा समेत उत्सवमा गरिएको थियो । त्यसैगरी कोशी अस्पताल बिराटनगरमा उपचाररत रहेकी ललिता चौधरीलाई पनि इनरुवाको चर्चबाट प्रार्थना गरेर जोगाएको उनले दावी गरे ।
लालिता चौधरीले परमेश्वर इशुले मृत्युको शैयाबाट फर्काएकोले परमेश्वर इशुप्रति आस्था जागेकोले चर्चमा सहभागी हुँदै आएको बताईन् । परमेश्वर इशुले कुनै पनि समस्या आउँदा नडराई हिम्मतका साथ अगाडी बढ्नुपर्ने र शान्ति, मुक्ती र प्रेमका लागि क्रिश्चियन धर्मावलम्बीहरु एक जुट हुनका लागि चर्चमा सहभागि हुन आवश्यक रहेको पास्टर मुखियाले बताए ।
कार्यक्रम रमेश कुमार चौधरीले कार्यक्रम संचालन गरेका थिए भने कार्यक्रमका प्रमुख अतिथि नेपाल प्रेस युनियन इनरुवाका सभापति टोमराज मेहता लगायतकाले ख्रष्ट जन्म उत्सवको अवसरमा धारणा राखेका थिए । 
