हरिनगर । सुनसरीको हरिनगर गाउँपालिकामा भएको खुल्ला दौड प्रतियोगितामा हरिनगरा माध्यमिक विधालयका सुवेश कुमार मेहता प्रथम भएका छन् ।
राष्ट्रिपति रनिङ शिल्ड तथा अध्यक्ष कप खेलकुद प्रतियोगिताको अवसरमा आइतबार सिताराम अधारभुत विधालयबाट सुरु भएको खुल्ला दौड प्रतियोगिता हरिनगरा माविको खेलमैदान सम्मको दौडमा हरिनगरा माविका विद्यार्थी सुवेश कुमार मेहता प्रथम भएका हुन ।
त्यसैगरी बालकृष्ण मावि रामनगर भुटाहाका विद्यार्थी साहनवाज अन्सारी दोस्रो भएका छन् भने जनता मावि गौतमपुरका विद्यार्थी प्रवेज अन्सारी तेस्रो भएका छन् ।
त्यसैगरी जनता माविकै अफताव अन्सारी सान्तावना भएको छन् ।
सो खुल्ला दौड प्रतियोगितामा १ सय ५० जनाको सहभागिता रहेको हरिनगर गाउँपालिका शिक्षा, युवा तथा खेलकुद शाखाका अजित कुमार मल्लिकले बताए ।
